បំបែកសំណុំរឿងឃា.តកម្មសម្លា.ប់បុរសម្នាក់ ចងភ្ជាប់ដុំថ្មទម្លាក់ទឹកស្រះបំបាត់ភស្តុតាង ជនដៃដល់សារភាពប្រាប់មូលហេតុ
- ស្ទឹងត្រែង
ខេត្តស្ទឹងត្រែង ៖ សមត្ថកិច្ចជំនាញនៃស្នងការដ្ឋាននគរបាលខេត្តស្ទឹងត្រែង បានបើកប្រតិបត្តិការស្រាវជ្រាវយ៉ាងម៉ត់ចត់ រហូតឈានដល់ការឃាត់ខ្លួនជនដៃដល់ម្នាក់ ពាក់ព័ន្ធនឹងអំពើឃាតកម្មគិតទុកជាមុន ក្រោយរកឃើញសពបុរសម្នាក់ត្រូវគេវាយបំបែក លលាដ៍ក្បាល និងចងដុំថ្មទម្លាក់ក្នុងស្រះទឹក។ គួររំលឹកថា ឃា.តកម្មសម្លា.ប់បុរសម្នាក់ រួចចងភ្ជាប់ដុំថ្មទម្លាក់ទឹកស្រះ បំបាត់ភស្តុតាង រហូតស.ពអណ្តែត ទើបអ្នកភូមិប្រទះឃើញ
យោងតាមរបាយការណ៍របស់ការិយាល័យនគរបាលព្រហ្មទណ្ឌកម្រិតធ្ងន់ កិច្ចការស្រាវជ្រាវនេះបានចាប់ផ្តើមក្រោយពេលប្រជាពលរដ្ឋប្រទះឃើញសពអណ្តែតក្នុងស្រះទឹក ស្ថិតក្នុងចំការស្វាយចន្ទី ភូមិមន ឃុំអន្លង់ជ្រៃ ស្រុកថាឡាបរិវ៉ាត់ កាលពីថ្ងៃទី១៥ ខែសី
ហា ឆ្នាំ២០២៦។ ពេលចុះពិនិត្យកោសល្យវិច័យ សមត្ថកិច្ចរកឃើញស្នាមរបួសធ្ងន់ធ្ងរលើក្បាល និងមានខ្សែចងភ្ជាប់ដុំថ្មធំៗពីរជាប់នឹងដងខ្លួនសព ដែលបញ្ជាក់ច្បាស់ថាជាចេតនាឃាតកម្មលាក់បាំងតម្រុយ។
ក្រោមការបញ្ជាផ្ទាល់ពីលោកឧត្តមសេនីយ៍ទោ សារី បុត្រសត្យា ស្នងការនគរបាលខេត្ត និងលោកឧត្តមសេនីយ៍ត្រី វ៉ា សុផាន់ ស្នងការរង ក្រុមការងារចម្រុះបានបើកការស៊ើបអង្កេតយ៉ាងតឹងរ៉ឹង រហូតដល់ល្ងាចថ្ងៃទី០១ ខែកញ្ញា ឆ្នាំ២០២៦ ទើបសមត្ថកិច្ចកំណត់មុខសញ្ញា និងចាប់ខ្លួនជនសង្ស័យឈ្មោះ យែម ភ័ក្រ អាយុ ៣៩ឆ្នាំ ដែលជាអ្នករស់នៅក្នុងមូលដ្ឋានកើតហេតុផ្ទាល់។
នៅចំពោះមុខសមត្ថកិច្ច ជនដៃដល់បានសារភាពថា មូលហេតុដែលនាំឱ្យកើតមានអំពើហិង្សាសាហាវឃោរឃៅនេះ គឺដោយសាររូបគេចាប់បានជនរងគ្រោះឈ្មោះ រឹន សារ៉ាត់ អាយុ ៤០ឆ្នាំ កំពុងលួចអាគុយត្រាក់ទ័រ នៅផ្ទះចំការរបស់ខ្លួន។ ភាពខឹងសម្បាបានប្រើដំបងឈើជ្រុងវាយទៅលើជនរងគ្រោះបណ្តាលឱ្យស្លាប់នៅនឹងកន្លែង មុននឹងសម្រេចចិត្តយកដុំថ្មមកចងទម្លាក់សពចូលក្នុងស្រះទឹកដើម្បីបំបាត់ដាន។
បច្ចុប្បន្ន ជនសង្ស័យត្រូវបានការិយាល័យជំនាញកសាងសំណុំរឿងបញ្ជូនទៅកាន់សាលាដំបូងខេត្តស្ទឹងត្រែង ដើម្បីចាត់ការតាមផ្លូវច្បាប់ជាធរមាន៕
ចែករំលែកព័តមាននេះ