បរទេស ៖ លោក Tim Cook បានលាលែងពីតំណែងជានាយកប្រតិបត្តិរបស់ក្រុមហ៊ុន Apple ហើយលោក John Ternus ឡើងកាន់តំណែងជំនួស ។ លោក Cook បាននៅជាមួយក្រុមហ៊ុន Apple តាំងពីឆ្នាំ ១៩៩៨ ហើយបានក្លាយជានាយកប្រតិបត្តិនៅឆ្នាំ ២០២១ បន្ទាប់ពីលោក Steve Jobs ដែលបានលាលែងពីតំណែងដោយសារហេតុផលសុខភាព ។
iPhone 5 , 5s និង 5c គឺជាម៉ូដែលចុងក្រោយដែលត្រូវបានរចនាឡើងដោយមានការត្រួតពិនិត្យពីលោក Jobs ។ លោក Jobs បានទទួលមរណភាពត្រឹមតែប៉ុន្មានថ្ងៃបន្ទាប់ពី iPhone 4s ត្រូវបានដាក់បង្ហាញ ខណៈ iPhone 5 ក៏ស្ថិតក្នុងការរចនាក្នុងអំឡុងពេលនៃការអភិវឌ្ឍរបស់វា ។ ហើយអ្វីៗគ្រប់យ៉ាងបន្ទាប់ពីនោះ គឺស្ថិតនៅក្រោមការណែនាំរបស់លោក Cook ។
ទោះជាយ៉ាងណាក៏ដោយ លោក John Ternus បានកាន់តំណែងជាអនុប្រធានជាន់ខ្ពស់ផ្នែកវិស្វកម្មផ្នែក Hardware រហូតដល់សព្វថ្ងៃនេះ ។ លោកបានដឹកនាំវិស្វកម្មផ្នែក Hardware ទាំងអស់ រួមទាំងក្រុមការងារនៅពីក្រោយ iPhone, iPad, Mac, Apple Watch, AirPods, Apple Vision Pro និងច្រើនទៀត ។ នេះបើយោងតាមជីវប្រវត្តិរបស់លោកនៅលើ apple.com ។
ម្យ៉ាងទៀតលោក Ternus គឺជាអ្នកជំនាញផ្នែក Hardware ដែលស័ក្តិសមបំផុតព្រោះ Apple ជាក្រុមហ៊ុនផ្នែក Hardware ។ លោក Ternus ត្រូវបានគេទទួលស្គាល់ថា ជាអ្នកផលិតផលិតផលដូចជា AirPods, iPhone Air និង MacBook Neo ៕ ប្រភព ៖ gsmarena
ចែករំលែកព័តមាននេះ