សម្តេចសង្ឃមួយអង្គៈ បាក់ឌុបជាកាំជណ្តើរមួយកាំ វាមិនកំណត់ជោគវាសនាជីវិតទាំងស្រុងឡើយ
- ភ្នំពេញ
សម្តេចព្រះឧត្តមវង្សា បណ្ឌិត គូ សុភាព ព្រះសមាជិក និងជាអគ្គលេខាធិការរងថេរសភាព្រះពុទ្ធសាសនា នៅព្រះរាជាណាចក្រកម្ពុជា បានមានថេរដីកាផ្តល់កម្លាំងចិត្តដល់បេក្ខជនប្រឡងសញ្ញាបត្រទុតិយភូមិ ដែលប្រកាសនៅថ្ងៃទី០២ ខែកញ្ញា ឆ្នាំ២០២៦ ។
សម្តេចបានមានថេរដីកាថា «លទ្ធផលបាក់ឌុបជាកាំជណ្ដើរមួយកាំ វាមិនកំណត់ជោគវាសនាជីវិតប្អូនទាំងស្រុងទេ ។ សំខាន់ប្អូនត្រូវបន្តដំណើរទៅទៀត ទោះជាជាប់ ឬធា្លក់ក៏ដោយ» ។
ក្រសួងអប់រំយុវជន និងកីឡា បានប្រកាសនៅថ្ងៃទី១ ខែកញ្ញាថា បេក្ខជនដែលប្រឡងកាលពីថ្ងៃទី១០ ខែសីហា ឆ្នាំ២០២៦ សរុបចំនួន១៥១.២៣៨នាក់ បេក្ខជនដែលប្រឡងជាប់ជាសា្ថពរមានសរុបប្រមាណជា១២៥.៩៧៥ នាក់ ។
ប្រភពដដែលបានឲ្យដឹងថា បេក្ខជនជាប់និទ្ទេស E មានចំនួន៤៦.៨១៤នាក់, និទ្ទេស D មានចំនួន៤៤. ៨៦៩នាក់, និទ្ទេស C មានចំនួន ២៣.៤២២នាក់, និទ្ទេស B មានចំនួន ៨.៨៤៨នាក់, និង និទ្ទេស A មានចំនួន ២.០២២នាក់ ៕
ចែករំលែកព័តមាននេះ