កោះតៃវ៉ាន់ ៖ កោះតៃវ៉ាន់ចាប់ផ្ដើម កាលពីថ្ងៃទី៥ សីហា សមយុទ្ធយោធាប្រចាំឆ្នាំទ្រង់ទ្រាយធំបំផុតរបស់ខ្លួន ពេលដែនកោះនោះរៀបចំប្រជាជន សម្រាប់ការលុកលុយជាយថាហេតុរបស់ចិនដីគោក ។
សមយុទ្ធមានឈ្មោះថា HAN KUANG ដែលត្រូវប្រព្រឹត្តទៅរហូតដល់ថ្ងៃទី១៤ សីហា រៀបចំដូចជាឆាកនៃសេនារីយូប្រយុទ្ធជាក់ស្ដែង ដើម្បីឲ្យកងទ័ព និងកងកងទាហានបម្រុងហ្វឹកហ្វឺនលើប្រតិកម្មតបចំពោះការវាយប្រហារប្រឆាំងដែនកោះនេះ។ នេះជាការអះអាងរបស់បណ្ដាអ្នកទទួលខុសត្រូវនៃក្រសួងការពារតៃវ៉ាន់។ ចំណែកជនស៊ីវិលវិញធ្វើសមយុទ្ធប្រកាសអាសន្នពីការវាយប្រហារតាមអាកាស ។
នាថ្ងៃទី៥ សីហា កងទាហានបម្រុងត្រូវបានដាក់ពង្រាយតាមបណ្ដោយមាត់សមុទ្រនៃច្រកសមុទ្រតៃវ៉ាន់ ហើយបាញ់កាំភ្លើងវាយលុកធុនAK ផលិតដោយតៃវ៉ាន់សំដៅគោលដៅ។ ក្នុងសមយុទ្ធនោះ តៃវ៉ាន់ក៏ដាក់ពង្រាយដែរ បណ្ដានាវាចម្បាំង និងកងឆ្មាំឆ្នេរសមុទ្រ ដើម្បីអមការពារការផ្គត់ផ្គង់ ក្នុងឱកាសសមយុទ្ធធ្វើត្រាប់ការបិទខ្ទប់របស់ចិន ក្នុងដែនទឹកស្ថិតនៅភាគខាងកើតកោះ។
ម្យ៉ាងវិញទៀត តៃវ៉ាន់នឹងវាយតម្លៃលើសមត្ថភាពបណ្ដារោងចក្រ ដែលនឹងជួយទ្រទ្រង់ក្នុងពេលមានសង្គ្រាមនិងធ្វើតេស្តពីការចល័តក្នុងពេលមានសង្គ្រាមបណ្ដារោងចក្រយោធា និងស៊ីវិល ៕
ចែករំលែកព័តមាននេះ