ការងូតទឹករបស់មនុស្សម្នាក់ៗរមែងនិយមស្រោចនៅលើបរិវេណដងខ្លួនត្រង់ចំណុចណាមួយជាលើកដំបូង ហើយវាបញ្ជាក់ពីអត្តចរិតជាមនុស្សប្រភេទណា។
ខាងក្រោមនេះជាចំណុចគួរឱ្យកត់សម្គាល់ពីសកម្មភាពងូតទឹកដូចជាៈ
*បើស្រោចទឹក ឬបង្ហូរទឹកលើក្បាលមុន ៖
ការព្យាយាមដ៏ខ្ពង់ខ្ពស់ អត់ធ្មត់ និងមិនរួញរា បំពេញតួនាទីអ្វីមួយរមែងទទួលផលសម្រេច ព្រោះជាមនុស្សមិនរាថយចំពោះឧបសគ្គ។ ចំណែករឿងស្នេហាអ្នកពូកែខាងជ្រើសរើសត្រូវការមនុស្សណាម្នាក់ដែលចេះជួយថែរក្សាខ្លួនឯងបាន។
*ស្រោចទឹកនៅលើផ្ទៃមុខមុន
ជាមនុស្សមានជំនឿចិត្តលើខ្លួនឯងហ៊ានស៊ីហ៊ានសង ធ្វើអ្វីៗគ្រប់បែបយ៉ាងតាមតម្រូវចិត្ត រហូតពេលខ្លះមានឥរិយាបថហាក់ដូចជាមនុស្សគិតតែពីផលប្រយោជន៍របស់ខ្លួន។
ចំណែករឿងស្នេហាសម្លឹងលើស្ថានភាពជីវភាពរបស់គូស្នេហ៍មុនរូបសម្រស់ និងមុខមាត់។
*ស្រោចទឹកនៅត្រង់ស្មាមុន
ជាអ្នកមានទឹកចិត្តរារែកមិនហ៊ានសម្រេចចិត្តបើបំពេញការងារអ្វីមួយមិនសូវបានទទួលជោគជ័យ និងចាយវាយប្រាក់ដោយគ្មានគិតគូរ ឬសន្សំទុកក្នុងពេលអនាគត។
ចំណែកសេ្នហា គឺមានការជ្រើសរើសក្នុងរយៈពេលយូរទម្រាំជួបនឹងគូស្នេហ៍ដែលត្រូវចិត្ត។
*ងូត ឬស្រោចទឹកនៅលើដើមទ្រូងមុន
ជាប្រភេទមនុស្សទៀងត្រង់ ជឿជាក់ ប៉ុន្តែមិនចូលចិត្តឱ្យអ្នកណាម្នាក់ជំទាស់ចិត្ត ឬប្រឆាំងនឹងគោលគំនិតរបស់ខ្លួន។ ពេញចិត្តរបស់របរតាមសម័យនិយមមិនចូលចិត្តធ្វើអ្វីៗប្រកបដោយភាពស្មុគស្មាញ។
រីឯរឿងក្តីស្នេហា ត្រូវការអ្នកមានភាពអត់ធ្មត់ និងគ្មានគំនិតប្រឆាំងខ្លួន។
*ស្រោច ឬបាញ់ទឹកនៅត្រង់ក្លៀក
ជាប្រភេទមនុស្សទន់ភ្លន់។ មានក្តីកង្វល់គ្រប់ពេលវេលា គិតច្រើន បាត់បង់លើជំនឿចិត្ត មិនហ៊ានធ្វើអ្វីតែឯង ត្រូវការអ្នកជំនួយជាប់ជានិច្ច។
ចំណែកស្នេហាត្រូវការមនុស្សដែលមានទំនុកចិត្តនៅក្បែរខ្លួន មានភាពកក់ក្តៅ និងធ្វើជាទីប្រឹក្សា។
*បើស្រោចទឹកនៅលើអវយវៈភេទមុន
ជាមនុស្សពូកែខាងលាក់លៀមមិនហ៊ានបង្ហាញចេញឱ្យមនុស្សគ្រប់រូបបានឃើញគ្មានភាពជឿជាក់លើខ្លួនឯង ពូកែខ្មាសអៀន។
រីឯក្តីស្រឡាញ់ គឺជាភាគីរង់ចាំតែម្នាក់ឯង ដរាបណាគូស្នេហ៍ម្ខាងទៀតចាប់អារម្មណ៍ មានន័យថា លោកអ្នកជាមនុស្សមិនហ៊ានសម្តែងចេញគិតតែលាក់ទុកក្នុងចិត្ត។
*ស្រោចទឹកនៅតាមទីកន្លែងផ្សេងៗ ក្រៅពីការរៀបរាប់ខាងលើ
ជាប្រភេទមនុស្សមានចិត្តក្រអឺតក្រទម មិនចាប់អារម្មណ៍វត្ថុនៅក្បែរខ្លួន គ្មានភាពក្តៅក្រហាយលើវត្ថុនៅជុំវិញ ទោះបីជាមានអ្នកណាម្នាក់មានការចលាចល ឬប្រកែកបែបណាក៏មិនខ្វល់។
សម្រាប់រឿងស្នេហាជាប្រភេទមនុស្សត្រូវការមនោសញ្ចេតនា ពេញចិត្តទៅលើអ្នកចេះយកចិត្តទុកដាក់លើខ្លួន និងមានសំដីផ្អែមល្ហែម៕
ចែករំលែកព័តមាននេះ