សោកនា.ដកម្ម! កា.ប់ប្រពន្ធស្លា.ប់ក្នុងផ្ទះនៅខេត្តកំពង់ស្ពឺ រួចជិះម៉ូតូគេចខ្លួនទៅបុ.កឡានស្លា.ប់តាមផ្លូវនៅតាកែវ
- កំពង់ស្ពឺ
ខេត្តកំពង់ស្ពឺ៖ ស្ត្រីម្នាក់ត្រូវបានគេប្រទះឃើញដេកស្លាប់ក្នុងថ្លុកឈាម លើពូកក្នុងផ្ទះ បង្កឱ្យមានការភ្ញាក់ផ្អើលដល់ ប្រជាពលរដ្ឋ ចោមរោមមើល ប្តីជាអ្នកសម្លាប់។
ហេតុការណ៍ភ្ញាក់ផ្អើលកាលពីវេលាម៉ោង៨យប់ ថ្ងៃទី២២ ខែកក្កដា ឆ្នាំ២០២៦ ស្ថិតនៅក្នុងភូមិពោធិ៍កណ្តាល ឃុំពោធិ៍អង្គ្រង ស្រុកបសេដ្ឋ ខេត្តកំពង់ស្ពឺ ។
សមត្ថកិច្ចខេត្តកំពង់ស្ពឺបាននិយាយឱ្យដឹងថា យប់ថៃ្ងទី២២ ខែកក្កដា ឆ្នាំ២០២៦ មានករណីឃាតកម្ម ដោយបុរសជាប្ដីសម្លាប់ប្រពន្ធស្លាប់ក្នុងថ្លុកឈាមសែនរន្ធត់មួយកេីតឡេីងនៅចំណុចផ្ទះជនរងគ្រោះ ស្ថិតក្នុងភូមិពោធិកណ្តាល ឃុំពោធិអង្ក្រង ស្រុកបសេដ្ឋ ខេត្តកំពង់ស្ពឺ មិនដឹងមូលហេតុ ។
តាមការបញ្ជាក់ពីមន្ត្រីសមត្ថកិច្ចនៅមូលដ្ឋានជនសង្ស័យជាប្ដីមានឈ្មោះ អ៊ុ សុខន ភេទប្រុស អាយុ៣៦ឆ្នាំ ស្រុកកំណើត ភូមិខ្សឹង សង្កាត់រកាក្នុង ក្រុងដូនកែវ ខេត្តតាកែវ បានធ្វើសកម្មភាពយកកាំបិតកាប់ទៅលើជនរងគ្រោះឈ្មោះ ខ្លូត ស្រីនី ភេទស្រី អាយុ ៣៥ឆ្នាំ (ត្រូវជាប្រពន្ឋ) បណ្តាលឲ្យជនរងគ្រោះស្លាប់ នៅក្នុងថ្លុកឈាម។ ក្រោយធ្វើសកម្មភាពរួចជនសង្ស័យ អ៊ុ សុខន បានយកម៉ូតូ១គ្រឿង ម៉ាក ឡែត( let )ពណ៌ទឹកប្រាក់ ពាក់ផ្លាកលេខ កំពង់ស្ពឺ 1M-1903 រួមជាមួយវត្ថុតាងកាំបិតបានជិះគេចខ្លួចបាត់ទៅ។ ភ្លាមៗនោះបង្កឲ្យមានការភ្ញាក់ផ្អើលដល់ប្រជាពលរដ្ឋនិងសមត្ថកិច្ច។
សមត្ថកិច្ចខេត្តកំពង់ស្ពឺបានបន្តឲ្យដឹងទៀតថា÷ ដោយបានការបញ្ជាដឹកនាំ ពីលោកឧត្ដមសេនីយ៍ទោ ស្នងការនគរបាលខេត្ដកំពង់ស្ពឺ កម្លាំងនគរបាល នៃអធិការដ្ឋាននគរបាលស្រុកបសេដ្ឋ បានធ្វេីការសហការជាមួយអធិការដ្ឋាននគរបាលស្រុកសំរោង ខេត្ដតាកែវ ធ្វេីការប្រមាញ់តាមចាប់ជនសង្ស័យ។ លុះដល់ម៉ោង១១រំលងអាធ្រាត្រ ថ្ងៃទី២២ ខែកក្កដា ឆ្នាំ២០២៦ បានទទួលព័ត៌មានឱ្យដឹងថា នៅចំណុចភូមិស្វាយព្រៃ ឃុំលំចង់ ស្រុកសំរោង ខេត្តតាកែវ លើផ្លូវជាតិលេខ២ ចន្លោះបង្គោលគីឡូម៉ែត្រលេខ៦៥-ទៅលេខ៦៦ ជនសង្ស័យ ឈ្មោះ អ៊ុ សុខន បានជួបគ្រោះថ្នាក់ចរាចរណ៍ដោយបេីកម៉ូតូបំបុកចូលរថយន្តម៉ាក ហ៊ីយ៉ាន់ដាយ( Hyundai )ប្រភេទឃ្លុប ទម្ងន់២តោនកន្លះ ពណ៌សពាក់ផ្លាកលេខ ភ្នំពេញ3G-5635បណ្តាលឱ្យបាត់បង់ជីវិតភ្លាមៗនៅនឹងកន្លែងកើតហេតុ (នេះបើយោងតាមរបាយការណ៍ពីនគរបាលខេត្ដតាកែវ)។
សមត្ថកិច្ចខេត្តកំពង់ស្ពឺបានបញ្ជាក់ ឱ្យដឹងថា សពជនសង្ស័យជាឃាតករឈ្មោះ អ៊ុ សុខន ត្រូវបានសមត្ថកិច្ចនគរបាលចរាចរណ៍នៃអធិការដ្ឋាននគរបាលស្រុកសំរោង ចំណាត់ការតាមនីតិវិធី និងប្រគល់ជូនសាច់ញាតិក្រុមគ្រួសារយកទៅធ្វើបុណ្យតាមប្រពៃណី៕
ចែករំលែកព័តមាននេះ