រាជធានីភ្នំពេញ ៖ អាជ្ញាធរមីន អំពាវនាវឱ្យសាធារណជន ជាពិសេសប្រជាពលរដ្ឋរស់នៅក្នុងតំបន់ងាយរងគ្រោះ បង្កើនការប្រុងប្រយ័ត្នខ្ពស់ចំពោះគ្រាប់មីន និងយុទ្ធភណ្ឌមិនទាន់ផ្ទុះ ដែលអាចហូរច្រោះមកជាមួយទឹកជំនន់ បង្កឡើងដោយឥទ្ធិពលព្យុះធំៗចំនួនពីរ ។
ជាក់ស្តែងអាជ្ញាធរមីន បានប្រកាស នាថ្ងៃទី១៦ ខែកក្កដានេះថា ៖ អាជ្ញាធរកម្ពុជាគ្រប់គ្រងសកម្មភាពកំចាត់មីន និងសង្គ្រោះជនពិការដោយសារមីន (អាជ្ញាធរមីន) សូមជម្រាបជូនដល់សាធារណជនមេត្តាជ្រាបថា យោងតាមសេចក្តីជូនដំណឹងស្តីពីស្ថានភាពអាកាសធាតុរបស់ក្រសួងធនធានទឹក និងឧតុនិយម ព្រះរាជាណាចក្រកម្ពុជាកំពុងទទួលរងនូវឥទ្ធិពលព្យុះទី៩ ឈ្មោះបារី (Bavi) T2609 និងព្យុះទី១១ ឈ្មោះហៃសិន (Haishen) T2611 ដែលអាចធ្វើឱ្យរាជធានី ខេត្តមួយចំនួនរងឥទ្ធិពលទឹកភ្លៀងដែលអាចបង្កជាទឹកជំនន់ ។
ក្នុងពេល និងក្រោយពេលទឹកជំនន់ យុទ្ធភណ្ឌគ្រឿនផ្ទុះមួយចំនួន ត្រូវបានប្រទះឃើញ ដោយសារការហូរច្រោះដីធ្លាក់មកពីតំបន់ ដែលមានមីនប្រឆាំងមនុស្ស មីនប្រឆាំងយានយន្ត គ្រាប់បែកចង្កោម និងសំណល់ជាតិផ្ទុះពីសង្គ្រាមជាច្រើនប្រភេទ ដែលអាចបង្កគ្រោះថ្នាក់ដល់អាយុជីវិតប្រជាពលរដ្ឋដោយហានិភ័យ ជាពិសេសប្រជាពលរដ្ឋ ដែលរស់នៅតំបន់ដែលរងផលប៉ះពាល់ដោយសារយុទ្ធភណ្ឌគ្រឿងផ្ទុះទាំងនោះ ។
ចែករំលែកព័តមាននេះ