ទីភ្នាក់ងារព័ត៌មានបរទេសផ្សាយថា រដ្ឋាភិបាលអូស្ត្រាលីបានកត់សម្គាល់ថា ប្រជាជនចិន និងឥណ្ឌាបានហូរចូលក្នុងប្រទេសមានចំនួនច្រើន ដែលធ្វើឱ្យមានការបារម្ភលើផលប៉ះពាល់ផ្នែកសន្តិសុខ ។
កន្លងមក អាជ្ញាធរអូស្ត្រាលីបានចាប់ខ្លួនជនជាតិចិន ចូលក្នុងប្រទេសចំនួន៣៤.១៨៩នាក់ ជនជាតិឥណ្ឌាចំនួន២១.៦៤៣នាក់ នូវែលហ្សេឡង់១៨.៣១៥នាក់ និងឥណ្ឌូណេស៊ីចំនួន១៦.២៧១នាក់ ខណៈពេលលទ្ធផលស្រាវជ្រាវពីការយល់ឃើញរបស់ជនជាតិអូស្ត្រាលីបង្ហាញថា មាន៤៩,២៤% បារម្ភលើបញ្ហាសន្តិសុខផ្នែកសង្គម និង១១,០៨% បារម្ភលើបញ្ហាសុខភាព ជាពិសេសជំងឹទាក់ទងនឹងផ្លូវដង្ហើម និងអាសន្នរោគ ។
ស្របពេលជាមួយគ្នានេះ អង្គការសុខភាពពិភពលោកបានក្រើនរំលឹកពីគ្រោះអាសន្ននៃការរីករាលដាលជំងឺឃ្លង់ក្នុងប្រទេសឥណ្ឌាជាថ្មី ក្រោយពីប្រកាសលែងមានឆ្លងកាលពី៦ឆ្នាំមុន ។ គួរបញ្ជាក់ថា ការកើតជំងឺឃ្លង់ក្នុងប្រទេសឥណ្ឌាត្រូវបានប្រទះឃើញនៅក្នុងតំបន់អ្នកក្រីក្រចំនួន២០៩ទីក្រុង ក្នុងចំណោម៦៤០ទីក្រុង គឺប្រហែល១ភាគ៣ ។
ទោះបីជាយ៉ាងណាក៏ដោយ ចំនួនអ្នកជំងឺឃ្លង់ដែលកើតថ្មីហើយរកឃើញមានចំនួនមិនដល់១០នាក់ទេ ក្នុងចំណោមប្រជាជនចំនួន១០០.០០០នាក់ ប៉ុន្តែអាជ្ញាធរឥណ្ឌាចាំបាច់ត្រូវប្រញាប់ប្រញាល់ធ្វើការបង្ការ និងប្រកាសឱ្យប្រជាជនប្រុងប្រយ័ត្ន ជាពិសេសទៅលើកុមារក៏មានអត្រាឆ្លងក្នុងកម្រិតខ្ពស់ ៕
ចែករំលែកព័តមាននេះ