កំពុងរាំងស្ងួតជាង៧ពាន់ហិកតា ពេលទឹកធ្លាក់មកដល់ ដណ្តើមគ្នាបើកបិទទ្វារទឹក
- បន្ទាយមានជ័យ
ខេត្តបន្ទាយមានជ័យ ៖ ខេត្តបន្ទាយមានជ័យស្រូវដែលរងផលប៉ះពាល់ដោយគ្រោះរាំងស្ងួតជាង៧.០០០ហិកតានៅពេលទឹកធ្លាក់មកដល់ត្រូវបានដណ្តើមគ្នាទាមទារបិទបើកសំណង់ទ្វារទឹកនៅថ្ងៃទី៧ ខែកក្កដា ឆ្នាំ២០២៦ នៅស្រុកមង្គលបូរី។
លោក ផាន់ ណារ៉ា អនុប្រធានមន្ទីកសិកម្ម រុក្ខាប្រម៉ាញ់និងនេសាទខេត្តបន្ទាយមានជ័យបានប្រាប់ថា ខេត្តបន្ទាយមានជ័យស្ថានភាពដាំដុះដំណាំស្រូវរដូវវស្សាបានរងផលប៉ៈពាល់សរុបចំនួន៧.០០២ហិកតាលើស្រុក/ក្រុងចំនួន៥និង១២ឃុំ/សង្កាត់ មាន១.ស្រុកភ្នំស្រុកប៉ៈពាល់២ឃុំមានចំនួន២.០៤៥ហិកតា ។ ២.ស្រុកព្រៈនេត្រព្រៈប៉ៈពាល់២ឃុំចំនួន៦៨២ហិកតា ។ ៣.ស្រុកថ្មពួកប៉ៈពាល់៤ឃុំចំនួន៧៦៦ហិកតា ៤.ស្រុកស្វាយចេកប៉ៈពាល់៣ឃុំចំនួន៣.៣៤៧ហិកតា ៥.ក្រុងសិរីសោភ័ណប៉ៈពាល់១សង្កាត់មានចំនួន១៦២ហិកតា។
លោក កែវ តារ៉ារស្មី អភិបាលស្រុកមង្គលបូរីបានបញ្ជាក់ថា៖ពេលនេះទឹកបានដល់ដងស្ទឹងសំណង់ពោធិ៍២ដើមឃុំរហាត់ទឹករយៈពេល២ថ្ងៃហើយកំពុងបើកសំណង់ទ្វារទឹកចូលប្រព័ន្ធធារាសាស្គ្រប្រឡាយមេសម្រាប់ទឹកដោយតម្រូវការដល់ប្រជាកសិករស្រោចស្រពស្រូវដែលកំពុងប្រឈមប៉ៈពាល់តែមានប្រជាកសិករផ្នែកខាងលើបានទាមទារបិទទ្វារទឹកសម្រាប់តម្រូវការរបស់ពួកគាត់តែអាជ្ញាធរស្រុកមង្គលបូរីនិងមន្ទីជំនាញបានសម្របសម្រួលដោះស្រាយដំណើរការល្អមកវិញហើយ។
លោក ឡាយ សុធី ប្រធានមន្ទីរធនធានទឹកនិងឧតុនិយមខេត្តបន្ទាយមានជ័យបានបញ្ជាក់ថា ទឹកដែលហូរចូលដងស្ទឹងពោធិ៍២ដើមហើយកំពុងបែងចែកសម្រាប់ប្រជាកសិករគឺជាជំនន់ទឹកភ្លៀងដែលធ្លាក់ពីខេត្តប៉ៃលិនរយៈពេលប៉ុន្មានថ្ងៃនេះបានហូរធ្លាក់ឆ្លងកាត់សំណង់បវិលនិងសំណង់ព្រៃខ្ពស់ខេត្តបាត់ដំបងហូរចូលតាមដងស្ទឹងនិងព្រែកសឿ ហើយពេលនេះអាជ្ញាធរនិងមន្ទីរជំនាញកំពុងបែងចែកទឹកអោយជូនប្រជាកសិករតាមតម្រូវការដែលទឹកមានតែមានស្រុក/ក្រុងមួយចំនួននៅខាងជើងផ្លូវជាតិលេខ៥និងលេខ៦កំពុងប្រឈមប៉ៈពាល់តែរយៈពេល៣ទៅ៤ថ្ងៃនេះមានភ្លៀងធ្លាក់អាចរស់បានតែមិនទាន់គ្របគ្រាន់នៅឡើយទេ ។
ព័ត៌មានបន្តនឹងមានផ្សាយនៅលើកាសែតកោះសន្តិភាព ៕
ចែករំលែកព័តមាននេះ