អតីតនាយករដ្ឋមន្ត្រីអ៊ុយក្រែន ដែលពេលនេះជាមេដឹកនាំប្រឆាំងលោកស្រី អ៊ី អ៊ូលីយ៉ា ទីម៉ូ ឆេនកូ ត្រូវបានចាប់ខ្លួនកាលពីថ្ងៃទី៥ សីហា កន្លងមកនេះពីបទរំលោភបំពានលើដំណើរការរបស់តុលាការក្នុងឱកាសនៃសវនាការកាត់ក្តីលោកស្រីពីបទរំលោភបំពានអំណាច ។
យោងតាមទីភ្នាក់ងារសារព័ត៌មាន INTERFAX UKRAINE ថា ចៅក្រមប្រកាសថា ការរំលោភបំពានជាបន្តបន្ទាប់របស់ជនជាប់ចោទពិសេសការជ្រៀតជ្រែកក្នុងកម្រិតនៃការសាកសួរបណ្តាសាក្សីគឺជាមូលហេតុសំខាន់នៃការចាប់ខ្លួនលោកស្រីអតីតនាយករដ្ឋមន្ត្រីរូបនេះ ។
ចៅក្រមក៏ប្រកាសផងដែរថា លោកស្រីទីម៉ូ ឆេនកូ បានពន្យារពេលដោយចេនានូវសវនាការកាត់ក្តីរឿងលោកស្រី ។ ការិយាល័យរដ្ឋអាជ្ញាបានចោទប្រកាន់លោកស្រីទីម៉ូ ឆេនកូ ថា បានចុះហត្ថលេខាលើកិច្ចព្រមព្រៀងមួយស្តីពីការផ្តល់ឧស្ម័នជាមួយក្រុមហ៊ុនរុស្ស៊ី GAZPROM កាលពីឆ្នាំ២០០៩ ដែលធ្វើឱ្យប៉ះពាល់ជាអវិជ្ជមានដល់សេដ្ឋកិច្ចអ៊ុយក្រែន ៕
ចែករំលែកព័តមាននេះ