កាត់ទ្រុងភ្លាមៗនៅនឹងកន្លែង! ក្រុមការងារចម្រុះខេត្តព្រៃវែង ឃាត់រថយន្តល្មើសច្បាប់បាន៥គ្រឿង
- ព្រៃវែង
ខេត្តព្រៃវែង ៖ មន្ទីរសាធារណការ និងដឹកជញ្ជូនខេត្តព្រៃវែង បានឱ្យដឹងថា ក្រុមការងារត្រួតពិនិត្យយានយន្តកែច្នៃខុសលក្ខណៈបច្ចេកទេស នៃអនុគណៈកម្មការសុវត្ថិភាពចរាចរណ៍ផ្លូវគោកខេត្ត បានចុះប្រតិបត្តិការឃាត់ត្រួតពិនិត្យរថយន្តបានចំនួន៣១គ្រឿង កាលពីថ្ងៃទី២២ ខែមិថុនា ឆ្នាំ២០២៦ កន្លងទៅនេះ ។
ប្រតិបត្តិការនេះបានធ្វើឡើង នៅចំណុចគោលដៅផ្លូវជាតិលេខ១ ស្ថិតក្នុងភូមិចង្រុះ ឃុំរំចេក ស្រុកព្រះស្តេច ខេត្តព្រៃវែង ។
ជាលទ្ធផល ក្រុមការងារបានរកឃើញរថយន្តល្មើសខុសលក្ខណៈបច្ចេកទេសចំនួន៥គ្រឿង ក្នុងនោះរួមមាន ៖ អ្នកបើកបរខុសប្រភេទយានយន្តចំនួន២គ្រឿង, ហួសសុពលភាពឆៀកចំនួន ១គ្រឿង និងបានធ្វើការកាត់ទ្រុងរថយន្តដែលតទ្រុងកែច្នៃខុសលក្ខណៈបច្ចេកទេសចំនួន ២គ្រឿង ភ្លាមៗនៅនឹងកន្លែង ៕
ចែករំលែកព័តមាននេះ