លួ.ចម៉ូតូគេចខ្លួនបាន១ថ្ងៃ ត្រូវអស់លក្ខណ៍ នៅទួលគោក
- ភ្នំពេញ
រាជធានីភ្នំពេញ ៖ ជនសង្ស័យ២នាក់ត្រូវបានកម្លាំងនគរបាល ព្រហ្មទណ្ឌនៃអធិការដ្ឋានខណ្ឌទួលគោកឃាត់ខ្លួនបន្ទាប់ពីធ្វើសកម្មភាពលួចម៉ូតូម៉ាក MSX មួយគ្រឿងគេចខ្លួនបានតែមួយថ្ងៃ។
ជនសង្ស័យរូបនោះ ១.ឈ្មោះ គយ ជីវន្ត ភេទប្រុស អាយុ៣១ឆ្នាំ មុខរបរ មិនប្រាកដ ស្នាក់នៅមិនពិប្រាកដ ម្តុំវត្តនាគវ័ន។ (មានសារធាតុញៀន)និង ២.ឈ្មោះ សុ ភាត្រា ភេទប្រុស អាយុ៤៦ឆ្នាំ មុខរបរ មិនប្រាកដ ស្នាក់នៅមិនពិប្រាកដ។ (មានសារធាតុញៀន)។
តាមនគរបាលខណ្ឌទួលគោកបានឲ្យដឹងថា នៅថ្ងៃទី១៧ ខែមិថុនា ឆ្នាំ២០២៦ វេលាម៉ោង០២និង៣០នាទីរំលងអាធ្រាត្រកម្លាំងផ្នែកជំនាញ នៃអធិការដ្ឋាននគរបាលខណ្ឌទួលគោក បានធ្វើការឃាត់ខ្លួនជនសង្ស័យ០២នាក់ នៅចំណុចបណ្ដោយបណ្តោយផ្លូវ២៨៣ កែងផ្លូវ៦០៨ ភូមិ១៤ សង្កាត់បឹងកក់ទី១ ក្នុង ករណីៈលួច និងប្រើប្រាស់ដោយខុសច្បាប់នូវសារធាតុញៀន (លួចម៉ូតូ០១គ្រឿងម៉ាក MSX ) ដែលបានបានប្រព្រឹត្តបទល្មើសនៅចំណុចមុខផ្ទះលេខ ៧៣៨ ផ្លូវលេខ១២៨ ក្រុមទី១២ ភូមិទី៤ សង្កាត់ផ្សារដេប៉ូទី២ ខណ្ឌទួលគោក រាជធានីភ្នំពេញ នៅថ្ងៃទី១៦ ខែមិថុនា ឆ្នាំ២០២៦ វេលាម៉ោងប្រហែល០១និង៣០នាទីរំលង់អាធ្រាត្រ ។
ជនរងគ្រោះ:ដែលជាម្ចាស់ម៉ូតូ ឈ្មោះ ធីម រដ្ឋា ភេទប្រុស អាយុ២១ឆ្នាំ ជនជាតិខ្មែរ មុខរបរ ជាងជុសជួលទូរស័ព្ទ ស្នាក់នៅកន្លែងកើតហេតុ។
បន្ទាប់ពីឃាត់ខ្លួនសមត្ថកិច្ចដករហូតវត្ថុតាងចាប់យកមាន៖ ម៉ូតូ០១គ្រឿងម៉ាក MSX C110 ពណ៏ត្រួយចេក ស៊េរី2017 ពាក់ស្លាកលេខ ភ្នំពេញ 1JA – 7053 ជារបស់ជនរងគ្រោះដែលជនសង្ស័យ ធ្វើសកម្មភាពលួច។
បច្ចុប្បន្នៈជនសង្ស័យទាំង០២នាក់កំពុងឃាត់ខ្លួនជាបណ្ដោះអាសន្ននៅ អធិការដ្ឋាននគរបាលខណ្ឌទួលគោក ដើម្បីសាកសួរកសាងសុំណុំរឿងបញ្ជូនទៅកាន់អយ្យការអមសាលាដំបូងរាជធានីភ្នំពេញ ចាត់ការតាមផ្លូវច្បាប់ ៕
ចែករំលែកព័តមាននេះ