អ្នកដែលរត់ពន្ធទំនិញថៃខុសច្បាប់ តាមព្រំដែនចូលមកកម្ពុជា ប្រសិនបើចាប់បានអាចនឹងត្រូវដកហូតទ្រព្យសម្បត្តិ រែកដី ជួយជីកត្រង់សេរនៅព្រំដែន ។
ក្នុងពិធីសំសំណេះសំណាលសួរសុខទុក្ខ ប្រជាពលរដ្ឋជនភៀសសឹកចំនួន២៨០៥គ្រួសារ ក្នុងស្រុកស្វាយចេក ខេត្តបន្ទាយមានជ័យថា សម្តេចតេជោ ហ៊ុន សែន បានបញ្ជាក់ថា «រឿងបិទបើកព្រំដែន ចង់ថៃបិទ ឬបើក ជារឿងរបស់ថៃ ។ បើថៃចង់បិទ១០០ ទៅ៥០០ឆ្នាំ ក៏ស្រេចទៅតាមគេទៅ … សំខាន់យើងកុំធ្វើខុសច្បាប់ »។
សម្តេចតេជោ បានបញ្ជក់ថា ទំនិញថៃ មួយឆ្នាំនាំចូលកម្ពុជាជាង១០ពាន់លានដុល្លារ សូមទុកឲ្យប្រជាជនថៃប្រើប្រាស់ខ្លួនឯងទៅ ។
សម្តេចតេជោ ហ៊ុន សែន បានលើកទឹកចិត្ត ឲ្យពង្រឹងការផលិត និងផ្គត់ផ្គង់នៅក្នុងស្រុក ហើយបើខ្វះខាត អាចនាំចូលពីទីផ្សារវៀតណាម ពីម៉ាឡេស៊ី និងសិង្ហបុរី បាន ៕
ចែករំលែកព័តមាននេះ