ប្រទេសចិន ៖ ជាការឆ្លើយតបចំពោះការពិភាក្សាគ្នា នាពេលថ្មីៗនេះ រវាងជប៉ុន និងហ្វីលីពីន ចិន បានរៀបចំធ្វើប្រតិបត្តិការអនុវត្តច្បាប់មួយក្នុងដែនទឹកភាគខាងកើតកោះតៃវ៉ាន់ ជិតព្រំដែនសមុទ្រជប៉ុន និងហ្វ៊ីលីពីន ។ នេះបើតាមសេចក្ដីរាយការណ៍របស់បណ្ដាសារព័ត៌មានរដ្ឋចិន ។ ចំណែកក្រុមតៃប៉ិវិញ បានបញ្ជូនកងឆ្មាំឆ្នេរសមុទ្រទៅកាន់តំបន់នោះ ។
ក្រុងតូក្យូ និងក្រុងម៉ានីល ប្រកាសកាលពីសប្ដាហ៍មុនពីការចរចាផ្លូវការ ដើម្បីកំណត់ព្រំដែនសមុទ្រនៃតំបន់សេដ្ឋកិច្ចដាច់មុខរបស់ពួកគេ និងតំបន់ខ្ពង់រាបបាតសមុទ្រ ។ បន្ទាប់មក ក្រុងប៉េកាំងបានចាត់ទុកការពិភាក្សាគ្នានោះថា ខុសច្បាប់ និងអះអាងថាខ្លួនមានតំបន់សេដ្ឋកិច្ចដាច់មុខ និងខ្ពង់រាបបាតសមុទ្រមួយនៅក្នុងតំបន់ដែនទឹកដែលទាក់ទិន នៅភាគខាងលិចកោះតៃវ៉ាន់។
នេះបើតាមសេចក្ដីរាយការណ៍របស់ទីភ្នាក់ងារព័ត៌មានចិនស៊ីនហួ ។ ស៊ីនហួមិនបានផ្ដល់ភាពលម្អិតនៃប្រតិបត្តិការនោះពិសេសលើរយៈពេល។ ស៊ីនហួបន្តថា ប្រតិបត្តិការនោះជាសកម្មភាព ចាំបាច់ដែលត្រូវធ្វើជាការតបតចំពោះការប្រកាសជាឯកតោភាគីរបស់ជប៉ុន និងហ្វ៊ីលីពីនដែរថា ពួកគេនឹងចាប់ផ្ដើមការចរចាពីការកំណត់ព្រំដែនសមុទ្រនៅជិតកោះតៃវ៉ាន៕
ចែករំលែកព័តមាននេះ