ប្រទេសកុងហ្គោ ៖ ការឆ្លងរាលដាលនៃវីរុស EBOLAបន្តកើនឡើងគួរឲ្យព្រួយបារម្ភនៅអាហ្វ្រិក ។ អង្គការសុខភាពពិភព លោកWHO ក្នុងតុល្យការចុងក្រោយរបស់ខ្លួនគូសបញ្ជាក់ កាលពីថ្ងៃទី៦ មិថុនា ថា មនុស្សជិត៥០០នាក់ ឆ្លងវីរុសEBOLA នៅអាហ្វ្រិកកណ្ដាល ។
គឺនៅសាធារណរដ្ឋប្រជាធិបតេយ្យកុងហ្កោ ដែលការឆ្លងត្រូវបានប្រកាស កាលពី៣សប្ដាហ៍មុន ដែលនៅទីនោះសភាពការណ៍កាន់តែគ្រោះថ្នាក់ជាមួយការរកឃើញអ្នកឆ្លងដល់៤៥២នាក់ ក្នុងនោះ ៨២នាក់ស្លាប់ ។ នៅអ៊ូហ្គង់ដាជិតខាង WHO រាយការណ៍ពីចំនួនអ្នកឆ្លងថា មាន១៩នាក់ ក្នុងនោះ២នាក់ស្លាប់។
សរុបមនុស្ស៤៧១នាក់ ឆ្លងវីរុសនេះ និង៨៤នាក់ស្លាប់ ។ WHO ពេលនេះ ចាត់ទុកការឆ្លងរាលដាលនៃវីរុសEBOLA ជាការប្រកាសអាសន្ននៃសុខភាពសាធារណៈកម្រិតអន្តរជាតិ ដែលអាចឆ្លងរាលដាលខ្លាំងជាងការឆ្លងដែលធ្លាប់មានកាលពីឆ្នាំ២០១៤ដល់២០១៦ បណ្ដាលឲ្យមនុស្សស្លាប់ជាង១១.០០០នាក់ នៅអាហ្វ្រិកខាងលិច ៕
ចែករំលែកព័តមាននេះ