សង្គ្រាមនៅមជ្ឈឹមបូព៌ា ៖ អ៉ីស្រាអែលគូសបញ្ជាក់ កាលពីថ្ងៃទី៧ មិថុនា ថា ខ្លួនជាគោលដៅនៃការវាយប្រហារដោយមីស៊ីល
អ៉ីរ៉ង់ ជាលើកដំបូង ចាប់តាំងពីមានបទឈប់បាញ់គ្នាមក ។ បែបនេះ នាំឲ្យមានគ្រោះថ្នាក់ដល់បទឈប់បាញ់គ្នាដែលផុយស្រួយស្រាប់មកដល់ថ្ងៃទី១០០នៃសង្គ្រាមនៅមជ្ឈឹមបូព៌ា ។
កងទ័ពអ៉ីស្រាអែលក្នុងសេចក្ដីប្រកាសមួយសរសេរថា កងទ័ពកំណត់ឃើញបណ្ដាមីស៊ីលបាញ់ចេញពីអ៉ីរ៉ង់សំដៅដែនដី
អ៉ីស្រាអែល ។ ស៊ីរ៉ែនប្រកាសអាសន្នត្រូវបានបន្លឺឡើងក្នុងទូទាំងតំបន់ភាគខាងជើងប្រទេស ។ បន្តិចក្រោយមក កងទ័ពរៀបរាប់ពីការបាញ់ស្រោចមីស៊ីលជាថ្មី សំដៅអ៉ីស្រាអែលជាលើកដំបូង ចាប់តាំងពីមានបទឈប់បាញ់គ្នារវាងអ៉ីរ៉ង់ អាមេរិក និង
អ៉ីស្រាអែលពីថ្ងៃទី៨ មេសា មក ។
ចំណែកក្រុមហេសប៊ុលឡាហ៍វិញអះអាងថា នាព្រឹកថ្ងៃទី៧ មិថុនា ខ្លួនបានវាយប្រហារទីតាំងជាច្រើនកន្លែងនៅភាគខាងជើងអ៉ីស្រាអែល ប៉ុន្មានម៉ោងបន្ទាប់ពីអ៉ីស្រាអែលវាយប្រហារលើក្រុងបេរូត ។ អ៉ីស្រាអែលថា នោះជាការវាយបប្រហារសងសឹកចំពោះការវាយប្រហាររបស់សត្រូវ ។
អ្នកនាំពាក្យកងទ័ពអ៉ីស្រាអែលឧត្ដមសេនីយអេហ្វហ្វីដឺហ្វ្រីន ក្នុងសង្កថាខ្លីមួយតាមទូរទស្សន៍និយាយថា របបអ៉ីរ៉ង់បានប្រព្រឹត្តកំហុសឆ្គងធ្ងន់ធ្ងរមួយ ដោយជ្រើសរើសយកជាថ្មីម្ដងទៀតផ្លូវភេរវកម្ម ។ យើងនឹងមិនអនុញ្ញាតឲ្យ្តមានការវាយប្រហារបន្តទៀតលើពលរដ្ឋអ៉ីស្រាអែលឡើយ។ អ្នកនាំពាក្យរូបនោះក៏ប្រកាសផងដែរថា បណ្ដាសាលារៀនក្នុងប្រទេសនឹងត្រូវបិទទ្វារទាំង
អស់។
មុននេះអ៉ីរ៉ង់បានគំរាមវាយប្រហារលើបណ្ដាផលប្រយោជន៍របស់អាមេរិក និងអ៉ីស្រាអែលនៅមជ្ឈឹមបូព៌ា ក្រោយអ៉ីស្រាអែលវាយប្រហារលើក្រុងបេរូតបណ្ដាលឲ្យមនុស្សស្លាប់២នាក់ កាលពីថ្ងៃទី៧ មិថុនា ។ ក្រោយការវាយប្រហារដោយមីស៊ីលនោះ ដែលត្រូវស្ទាក់កម្ទេចទាំងអស់ ប្រទេសជាច្រើនក្នុងតំបន់គូសបញ្ជាក់ថា បានបិទដែនអាកាសរបស់ពួកគេ។ ពិសេស អាជ្ញាធរអាកាសចរណ៍ស៊ីលអ៉ីរ៉ាក់ប្រកាសពីការបិទដែនអាកាស៧២ម៉ោង ។
អាជ្ញាធរស៊ីរីក៏ជ្រើសរើសបិទដែនអាកាសភាគខាងត្បូងប្រទេសរយៈពេល១២ម៉ោង និងផ្អាករាល់សកម្មភាពនៃព្រលានយន្តហោះអន្តរជាតិក្រុងដាម៉ាស់ ។ អ៉ីរ៉ង់់ក៏ប្រកាសបិទពីយប់ថ្ងៃទី៧ មិថុនា ទៅ រហូតដល់មានបទបញ្ជាជាថ្មី ដែនអាកាសរបស់ខ្លួននៅភាគខាងលិចប្រទេស ។
ចំពោះការវាយបប្រហារថ្មីនេះរបស់អ៉ីរ៉ង់លើអ៉ីស្រាអែល ប្រធានាធិបតីអាមេរិកលោកដូណាល់ត្រាំ គូសបញ្ជាក់តាមទូរទស្សន៍FOX NEWSថា បែបនោះពិតណាស់នឹងមិនជួយសម្រួលដល់ការចរចាឡើយ ។ លោកថា អ្នកបានបាញ់មីស៊ីលបែបនេះ វាគ្រប់គ្រាន់សម្រាប់ការវិលមករកតុចរចាវិញ ហើយចុះហត្ថលេខាលើកិច្ចព្រមព្រៀងមួយ។ លោកថ្លែងបែបនេះសំដៅផ្ញើជូនចំពោះបណ្ដាមេដឹកនាំអ៉ីរ៉ង់ ។ លោកត្រាំបន្តថា លោកនឹងនិយាយទៅកាន់នាយករដ្ឋមន្ត្រីអ៉ីស្រាអែល លោកបេនចាមីននេតាន់យ៉ាហ៊ូដើម្បីប្រាប់ថាកុំឲ្យតបត។ លោកថា អ៉ីស្រាអែលអាចវាយប្រហារ ហើយអ៉ីរ៉ង់ក៏អាចវាយប្រហារដែរ ។ គេមិនត្រូវការលើការវាយប្រហារមួយទៀតឡើយ ។
ដើម្បីចៀសវាងការច្បាំងគ្នាជាថ្មីការពិភាក្សាគ្នា ក៏បានធ្វើរវាងបណ្ដាមេដឹកនាំតំបន់ផងដែរ ។ រដ្ឋមន្ត្រីការបរទេសអ៉ីរ៉ង់លោកអាប់បាស់អារ៉ាសជី បានជួបពិក្សាជាពិសេស ជាមួយសមភាគីអង់គ្លេស តួកគីព្រមទាំងអ្នកអាជ្ញាកណ្ដាលប៉ាគីស្ថាន ៕
ចែករំលែកព័តមាននេះ