នាំគ្នាទៅភ្ជួរស្រែ រួចចូលជ្រកភ្លៀងក្រោមដើមឈើ ត្រូវរន្ទះបា.ញ់បាត់បង់ជីវិត៣នាក់ និងរបួស២នាក់នៅស្រុកភ្នំស្រួច
- កំពង់ស្ពឺ
ខេត្តកំពង់ស្ពឺ ៖ មនុស្សប្រុសស្រីចំនួន០៣នាក់ បានស្លា.ប់ និង០២នាក់ទៀតរងរបួស ត្រូវបានសាច់ញាតិក្រុមគ្រួសារដឹកយកទៅសង្គ្រោះព្យាបាលនៅមន្ទីរពេទ្យ ខណៈដែលនាំគ្នាទៅភ្ជួរស្រែ ហើយមេឃភ្លៀងជ្រកក្រោមដើមឈើ ស្រាប់តែផ្គរ រន្ទះបា.ញ់តែម្តង ។
ហេតុការណ៍មេឃភ្លៀងលាយឡំជាមួយនោះក៏រន្ទះសម្លា.ប់មនុស្សចំនួន០៣នាក់ រងរបួស០២នាក់ បានកើតឡើង កាលពីវេលាម៉ោង០១រសៀល ថ្ងៃទី៧ ខែមិថុនា ឆ្នាំ២០២៦ នៅចំណុចវាលស្រែ ស្ថិតនៅក្នុងភូមិព្រៃឬស្សី ឃុំជាំសង្កែ ស្រុកភ្នំស្រួច ខេត្តកំពង់ស្ពឺ ។
សមត្ថកិច្ចខេត្តកំពង់ស្ពឺ បាននិយាយឱ្យដឹងថា នៅមុនពេលកើតហេតុមនុស្សទាំងអស់នោះ បាននាំគ្នាទៅភ្ជួរស្រែ ដើម្បីបង្កបង្កើនផលស្រូវ ។ ស្រាប់តែមេឃធ្លាក់ភ្លៀងលាយឡំ និងផ្គរ បណ្ដាលឲ្យមានរន្ទះបា.ញ់ មនុស្សចំនួន០៥នាក់ (ស្លា.ប់ចំនួន៣នាក់ ក្នុងនោះមានស្រី ចំនួន០១នាក់ និងរងរបួសចំនួន០២នាក់ប្រុស) ។
សមត្ថកិច្ចខេត្តកំពង់ស្ពឺ បានបន្តទៀតថា ក្រុមជនរងគ្រោះ មានឈ្មោះដូចខាងក្រោម ៖ ទី១-ឈ្មោះ សែម រិន ភេទប្រុស អាយុ២២ឆ្នាំ (បានស្លា.ប់) ។ ទី២-ឈ្មោះ ឆាន ចិត្រា ភេទប្រុស អាយុ៦ឆ្នាំ (បានស្លា.ប់ ) ។ ទី៣-ឈ្មោះ ឆាន វ៉ាន ភេទស្រី អាយុ៤ឆ្នាំ (បានស្លា.ប់) ។ ទី៤- ឈ្មោះ ហ៊ុល សុណា ភេទប្រុស អាយុ២៣ឆ្នាំ (រងបួសធ្ងន់) និងទី៥-ឈ្មោះ ទូត លាភ ភេទប្រុស អាយុ២១ឆ្នាំ (រងរបួសធ្ងន់)ទាំង០៥ រស់នៅក្នុងភូមិព្រៃឫស្សី ឃុំជាំសង្កែ ស្រុកភ្នំស្រួច ខេត្តកំពង់ស្ពឺ ។
ចំពោះអ្នករបួសត្រូបានសាច់ញាតិបញ្ជូនទៅព្យាបាលនៅមន្ទីរពេទ្យ ដើម្បីសង្គ្រោះ និងព្យាបាល ។ ដោយឡែកសពជនរងគ្រោះទាំង០៣នាក់ត្រូវបានសាច់ញាតិក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ