រាជធានីភ្នំពេញ ៖ នៅស្នងការដ្ឋានរាជធានីភ្នំពេញ នាខណៈពេលនេះ (ព្រឹកថ្ងៃទី២៤ មីនា ២០១១) មានរៀបចំពិធីផ្លាស់ប្តូរប្រធានការិយាល័យគ្រឿងញៀនរាជធានីភ្នំពេញ គឺតំណែងលោកយឹម សុជាតិ ត្រូវជំនួសដោយលោកទៀង ចាន់សារ ដែលមុននេះ ជាអនុប្រធានការិយាល័យព្រហ្មទណ្ឌកម្រិតស្រាលរាជធានីភ្នំពេញ ។ ចំណែកលោកយឹម សុជាតិ ត្រូវផ្លាស់ទៅកាន់ការិយាល័យគ្រប់គ្រងអាវុធជាតិផ្ទុះវិញ ។
ពិធីផ្លាស់ប្តូរមុខតំណែងមន្ត្រីនគរបាលនេះ ធ្វើឡើងក្រោមអធិបតីភាពលោកឧត្តមសេនីយ៍ឯកជួន សុវណ្ណ អគ្គស្នងការរងនៃអគ្គស្នងការដ្ឋាននគរបាលជាតិ និងមានការអញ្ជើញចូលរួមពីលោកប៉ា សុជាតិវង្ស អភិបាលរងរាជធានីភ្នំពេញ និងលោកទូច ណារ៉ុថ ស្នងការនគរបាលរាជធានីភ្នំពេញ ព្រមទាំងមន្ត្រីពាក់ព័ន្ធ ជាច្រើនរូបទៀត ។ តាមប្រសាសន៍ស្នងការនគរបាលរាជធានី លោកឧត្តមសេនីយ៍ទូច ណារ៉ុថ បានឱ្យដឹងថា នេះជាការផ្លាស់ប្តូរធម្មតាទៅតាមចំណាត់ការរបស់ថ្នាក់លើ នៃស្ថាប័ននគរបាល ដើម្បីកែទម្រង់ឱ្យការងារកាន់តែល្អប្រសើរប៉ុណ្ណោះ ៕
ចែករំលែកព័តមាននេះ