រង់ចាំមានម្នាក់ទៀត
បុគ្គលិករថភ្លើងនិយាយជាមួយអ្នកដំណើរម្នាក់ ៖
-លោកមិនអាចជក់បារីបានទេ ។ មើលហ្ន៎, ស្លាកដាក់ច្បាស់ «អាចជក់បារីបាន លុះត្រាអ្នកដំណើរក្នុងទូរថភ្លើងជាមួយគ្នាឯកភាព» ។
-ចុះទូនេះមានតែខ្ញុំម្នាក់ឯងតើ ។
-អ៊ីចឹងរង់ចាំសិន, ចាំដល់មានអ្នកដំណើរម្នាក់ទៀតមកអង្គុយក្នុងទូនេះដែរ ហើយលោកស្នើយោបល់គេ, បើគេយល់ព្រម, ជក់ចុះ ៕
ភ្លេចអក្សរ
ស្ត្រីម្នាក់ទៅពិនិត្យភ្នែកនៅគ្លីនិកមួយ ។ លោកវេជ្ជបណ្ឌិតប្រាប់គាត់ឱ្យបិទភ្នែកម្ខាង ហើយចង្អុលទៅអក្សរនៅខាងមុខ ៖
-អក្សរអី?
ស្ត្រីអ្នកជំងឺគ្រវីក្បាល ។ លោកវេជ្ជបណ្ឌិតឱ្យបិទភ្នែកផ្សេងម្តង, ហើយសួរ ៖
-អក្សរអីខ្លះ?
ស្ត្រីអ្នកជំងឺគ្រវីក្បាលទៀត ។ លោកវេជ្ជបណ្ឌិតឆ្ងល់ ៖
-អក្សរធំៗដល់ម្ល៉ឹង តែភ្នែកខាងណាក៏មើលមិនឃើញឬ?
-មិនមែនទេ, ខ្ញុំឃើញច្បាស់ទាំងអស់ គ្រាន់តែភ្លេចមិនដឹងអក្សរនោះគេអានថាម៉េចតើ៕
កុំឱ្យអស់ប្រាក់ច្រើនពេក
ឃើញប្តីចេះតែរអ៊ូរឿងចូលចិត្តទិញគ្រឿងអលង្ការ ប្រពន្ធពន្យល់ ៖
-ខ្ញុំធ្វើខ្លួនដើម្បីបម្រើចក្ខុបងតើ, កុំឱ្យភ្នែកបងធុញទ្រាន់ប្រពន្ធមិនសូវស្អាតហ្នឹងណា៎ ។
-មិនបាច់ទេ, អស់ប្រាក់ច្រើនណាស់ ។ បងចង់ឱ្យភ្នែកបងសម្លឹងស្រីស្អាតដើរតាមផ្លូវវិញ, បានឃើញស្រីស្អាតច្រើនគ្នា ហើយមិនអស់ប្រាក់ទៀត ៕
ពេលត្រូវឆ្នោតរង្វាន់ធំ
អ្នកសុំទានប្រុសសួរអ្នកសុំទានស្រី ៖
-អូនមានទិញឆ្នោតទេ?
-មាន! សប្តាហ៍នេះមានឆ្នោតរង្វាន់ធំច្រើនលានណាស់ ។
-បើត្រូវឆ្នោតរង្វាន់ធំ អូនឯងប្រុងធ្វើម៉េច?
-ខ្ញុំនឹងទិញចិញ្ចៀនពេជ្រ ទិញខ្សែដៃមាស សម្រាប់តុបតែងខ្លួនពេលចេញសុំទានម្តងៗ៕
វាត្រូវស្លាប់អ៊ីចឹងហើយ
បុរសម្នាក់ទៅរកគ្រូទាយ ៖
-សូមលោកគ្រូជួយមើលឱ្យខ្ញុំផង ផ្ទះខ្ញុំហេតុម៉េចចិញ្ចឹមឆ្កែឆ្មាមិនរស់សោះ?
-ប្រពន្ធលោកកាចទេ?
-ចាំបាច់សួរ? ឡូឡាទាត់ប៉ោត ទាត់តុ ថ្លង់គេឯងរាល់ថ្ងៃ មិនខុសបិសាចញីទេ ។
-ហ្នឹងហើយ! ហ្នឹងហើយ! ឆ្កែឆ្មាឈឺក្បាលរាល់ៗល្ងាចរស់ម៉េចកើត, វាត្រូវតែស្លាប់អ៊ីចឹងហើយ ៕
ចែករំលែកព័តមាននេះ