ខេត្តស្ទឹងត្រែង ៖ ចំណុចដែលធ្លាប់តែមានឈាមដិតដាម និងស្នាមគំនូសពណ៌ស ដែលបា.ញ់ដោយមន្ត្រីចរាចរណ៍ជាញឹកញាប់ស្ទើរតែពុំលស់ថ្ងៃនោះ បច្ចុប្បន្នបានប្រែក្លាយជារង្វង់មូលដ៏ធំស្រស់ស្អាតគួរ ជាទីមោទនៈដែលអាចបញ្ចៀសគ្រោះថ្នាក់ចរាចរណ៍ជាច្រើនក្នុងក្រុង និងបង្កើតឲ្យប្រជាពល
ខេត្តស្ទឹងត្រែង ៖ ចំណុចដែលធ្លាប់តែមានឈាមដិតដាម និងស្នាមគំនូសពណ៌ស ដែលបាញ់ដោយមន្ត្រីចរាចរណ៍ជាញឹកញាប់ស្ទើរតែពុំលស់ថ្ងៃនោះ បច្ចុប្បន្នបានប្រែក្លាយជារង្វង់មូលដ៏ធំស្រស់ស្អាតគួរជាទីមោទនៈដែលអាចបញ្ចៀសគ្រោះថ្នាក់ចរាចរណ៍ជាច្រើនក្នុងក្រុង និងបង្កើតឲ្យប្រជាពលរដ្ឋមានការយល់ដឹងបន្ថែមទៀតអំពីច្បាប់ចរាចរណ៍។
រង្វង់មូលដែលបានសាងសង់ឡើងដ៏ស្រស់ស្អាត មានរំលេចដោយភ្លើងពណ៌ភ្លឺចិញ្ចាចនាពេលរាត្រី និងធំស្កឹមស្កៃចំកណ្តាលថ្នល់ដែលមានផ្លូវបែកជាបួននេះ ស្ថិតក្នុងភូមិព្រែក សង្កាត់ស្ទឹងត្រែង ក្រុងស្ទឹងត្រែង សាងសង់ឡើងដោយមន្ទីរសាធារណការនិងដឹកជញ្ជូនខេត្ត ក្រោមការចង្អុលបង្ហាញ និងមានការគាំទ្រពីអាជ្ញាធរខេត្ត។ ការស្ថាបនារង្វង់មូលនេះឡើង ក៏ដើម្បីជាការចូលរួមកែលំអហេដ្ឋារចនាសម្ព័ន្ធក្នុងការអភិវឌ្ឍខេត្តស្របតាមគោលនយោបាយរបស់រាជរដ្ឋាភិបាលផងដែរ។
ថវិកាដែលត្រូវចំណាយក្នុងការស្ថាបនារង្វង់មូលនេះគឺប្រមាណជិត៨ម៉ឺនដុល្លារ ហើយមានការរំពឹងទុកថា នឹងមានដាក់រូបសំណាកនាគបាញ់ទឹក ឬរូបព្រហ្មមុខបួនចំកណ្តាលរង្វង់លើសួន ព្រមទាំងដាំលំអដោយផ្កាចម្រុះពណ៌ក្រាលដោយឥដ្ឋការ៉ូឡាព័ទ្ធជុំវិញដែលមានកម្ពស់ពីដីប្រមាណ១ម៉ែត្រ និងរង្វង់ជាអង្កត់ផ្ចិត៤២ម៉ែត្រមានដាក់សញ្ញាព្រួញសម្គាល់សម្រាប់ធ្វើចរាចរណ៍ និងនៅពេលរាត្រីមានរំលេចដោយភ្លើងពណ៌។ ប្រជាពលរដ្ឋនិយាយថា ក្រោយពីការស្ថាបនារង្វង់មូលក៏សឹ្កមស្កៃនេះរួច បញ្ហាគ្រោះថ្នាក់ចរាចរណ៍នឹងត្រូវបានបញ្ចៀស និងកាត់បន្ថយបានប្រមាណជា៨៥% ។
មានការកត់សម្គាល់ថា បច្ចុប្បន្ននេះនៅក្នុងក្រុងស្ទឹងត្រែង មានការកសាងសមិទ្ធផលថ្មីៗជាបន្តបន្ទាប់ ដូចជាផ្លូវខ្វាត់ខ្វែងជាច្រើនខ្សែ ស្ពានឈើចាស់ៗត្រូវបានប្តូរជាស្ពានថ្ម ដែលជាការកែលំអសោភ័ណភាពផង និងសម្រួលដល់ការធ្វើចរាចរណ៍របស់ប្រជាពលរដ្ឋផង៕
ចែករំលែកព័តមាននេះ