ថ្លើមជាអវយវៈសំខាន់មួយនៅក្នុងខ្លួនប្រាណមានតួនាទីផលិតទឹកប្រមាត់សម្រាប់រំលាយអាហារជាតិខ្លាញ់ និងកម្ចាត់សារធាតុពុលនៅក្នុងរាងកាយ។ ក្រៅពីនេះថែមទាំងជួយផលិតសារធាតុជួយឃាត់ឈាមហូរផងដែរ។
ចំណែកជំងឺពាក់ព័ន្ធនឹងថ្លើមមានច្រើនប្រភេទ ទាំងរលាកថ្លើម កើតពីការឆ្លងវីរុស ឬពីសារធាតុពុល។ ជំងឺក្រិនថ្លើមកើតពីការដុះសាច់រឹងជំនួសកោសិកាដែលងាប់ កើតពីវីរុស ជាតិពុលក្នុងស្រារ៉ាំរៃ ឬទទួលនូវជាតិពុលផ្សេងៗទៀត។ អ្នកកើតជំងឺថ្លើមតែងតែគ្មានអាការៈច្បាស់លាស់ ទម្រាំតែពិនិត្យឃើញ គឺហួសពេលទៅហើយ។ ខាងក្រោមនេះគឺជាសញ្ញាបញ្ជាក់ពី ការកើតជំងឺថ្លើម ដើម្បីធ្វើការព្យាបាលបានទាន់ពេលវេលាដូចជាៈ
-តប់ប្រមល់ ឆាប់ខឹង ឆេវឆាវ និងភិតភ័យ។-ឈឺចាប់ ចុករួយត្រង់ត្រគាកជារៀងរាល់លើក មានអាការរឹងរឹតសាច់ដុំក្បាលពោះ ឈឺពោះញឹកញាប់ ឬមានអាការៈក្តៅនៅដើមទ្រូង។
-ពិបាកក្នុងការទទួលទានដំណេកឱ្យលង់លក់ រមែងងងុយដេកនៅពេលថ្ងៃ និងអស់កម្លាំង។
-មានអារម្មណ៍ហាក់ដូចជាមានអ្វីស្ទះនៅបំពង់ក លេបក៏មិនចូល ខ្ជាក់ក៏មិនចេញ និងធុញថប់ចំណីអាហារ តឹងពោះគ្មានរំលាយអាហារ និងភើជាញឹកញាប់។
-ស្បែកមុខស្លេក ពណ៌លឿង គ្មានឈាមនិងជាំនៅលើផ្ទៃមុខ។
-បបូរមាត់ជាំ អណ្តាតមានពណ៌ស្វាយក្រមៅ គែមនៅចុងអណ្តាតមានការខាំ ឬប៉ះនឹងធ្មេញ។
-ឈឺ ឬសង្កៀរសុដន់ ឡើងទម្ងន់នៅមុនពេលមានរដូវសម្រាប់ស្ត្រី និងឈឺចាប់ត្រង់ពងស្វាសចំពោះបុរស។
-មានការដកដង្ហើមមិនពេញលេញ ត្រូវដកដង្ហើមញាប់ៗ។
-រាករូស៕
ចែករំលែកព័តមាននេះ