ប្រព័ន្ធផ្សព្វផ្សាយពីបរទេសកាលពីថ្ងៃទី២៥ កក្កដា បង្ហើបឱ្យដឹងថា លោកហ្សាខុប ស៊ូតហាត ក្លាយជាមនុស្សល្បីប្រចាំទីក្រុងហ្សង់ល្វី សហរដ្ឋអាមេរិកបន្ទាប់ពីលោកបង្កើតភាពល្បីល្បាញ ដោយស្លៀកឈុត «ម៉េនគីនី» ឬឈុតហែលទឹកបុរសក្នុងខ្សែភាពយន្តកំប្លែង “Borat” ជិះលើម៉ូតូនៅតាមផ្លូវក្រោមបរិយាកាសក្តៅហួតហែង។
ប្រព័ន្ធផ្សព្វផ្សាយពីបរទេសកាលពីថ្ងៃទី២៥ កក្កដា បង្ហើបឱ្យដឹងថា លោកហ្សាខុប ស៊ូតហាត ក្លាយជាមនុស្សល្បីប្រចាំទីក្រុងហ្សង់ល្វី សហរដ្ឋអាមេរិកបន្ទាប់ពីលោកបង្កើតភាពល្បីល្បាញ ដោយស្លៀកឈុត «ម៉េនគីនី» ឬឈុតហែលទឹកបុរសក្នុងខ្សែភាពយន្តកំប្លែង “Borat” ជិះលើម៉ូតូនៅតាមផ្លូវក្រោមបរិយាកាសក្តៅហួតហែង។
ទង្វើខាងលើកើតឡើងពីការណែនាំរបស់មិត្តភក្តិ ហើយលោកស៊ូតហាត បានអនុវត្តវារហូតក្លាយជាចរឹតនិស្ស័យ ដើម្បីបន្ធូរបន្ថយស្ថានភាពក្តៅក្នុងទីក្រុង។ លោកហ្សាខុប មន្ត្រីផ្នែកហិរញ្ញវត្ថុបង្ហើបឱ្យដឹងថា លោកពេញចិត្តក្នុងការក្លាយជាគោដៅចំណាប់អារម្មណ៍នៅពេលបានស្លៀកឈុតហែលទឹកនៅលើម៉ូតូ ធ្វើឱ្យមនុស្សគ្រប់រូបអស់សំណើចនៅពេលបានឃើញលោកជិះម៉ូតូក្នុងឈុតខាងលើ។
ក្រៅពីនេះលោកបានបញ្ជាក់បន្តទៀតថា លោកអាចស្លៀកពាក់ឈុតនេះជិះម៉ូតូបានដោយមិនខ្លាចប៉ូលិសចាប់ ព្រោះកាលពីមុននេះ លោកបានសួរប៉ូលិសថា តើអាចស្លៀកពាក់ឈុតនេះបានឬអត់? ពេលនោះប៉ូលិសបានប្រាប់ថា អាចស្លៀកពាក់បាន ព្រោះមិនខុសច្បាប់ទេ។
សម្រាប់អ្នកបើកបរយានយន្តទូទៅនៅពេលបានឃើញលោកហ្សាខុប ស្លៀកពាក់ឈុតម៉េនគីនី ធ្វើឱ្យពួកគេមានអារម្មណ៍ភ្ញាក់ផ្អើលយ៉ាងខ្លាំងក៏បានទាញកាមេរ៉ាថតរូបនេះទុក ព្រោះបារម្ភខ្លាចនៅពេលដែលនិយាយរឿងនេះប្រាប់គេដោយឥតភស្តុតាងគ្មាននរណាជឿ។
ទោះបីជាយ៉ាងណាក៏៏ដោយ មនុស្សទូទៅមិនយល់ស្របតាមគោលគំនិតបន្ថយកំដៅខាងលើឡើយ។ ដោយឡែកចៅហ្វាយនាយរបស់លោកស៊ូតហាត ពេលបានឃើញលោកស៊ូត ហាត នៅតាមដងផ្លូវជាមួយនឹងឈុតហែលទឹកបុរស ឬឈុតម៉េនគីនីនេះ ក៏បានបញ្ជូនសារបញ្ជាក់ថា លោកស៊ូតហាត ជាមនុស្សចម្លែក។ចំណែកប្រពន្ធរបស់លោកស៊ូតហាត បានថ្លែងដោយភាពស្រងាកក្នុងចិត្តតាមរយៈ Facebook ថា អ្នកស្រីគ្មានហេតុផលអ្វីប្រកែកជាមួយប្តី ទាក់ទិននឹងទង្វើដ៏ចម្លែករបស់គាត់ឡើយ ដូច្នេះមានតែបណ្តែតបណ្តោយឱ្យគាត់ធ្វើតាមចិត្តរបស់គាត់ចុះ។
ស្ថានភាពអាកាសធាតុរបស់អាមេរិកនាពេលបច្ចុប្បន្នគឺក្តៅខ្លាំង ដោយនៅភាគកណ្តាលប៉ែកខាងលិច ឬខាងត្បូង សីតុណ្ហភាពបានឡើងដល់ទៅ៥០អង្សាសេ បណ្តាលឱ្យមានមនុស្សស្លាប់ចំនួន២០នាក់ ៕
ចែករំលែកព័តមាននេះ