មានវិធីច្រើនយ៉ាងក្នុងការព្យាបាល ស្ត្រីដែលទទួលរងនូវការឈឺដោះពេលជិតមករដូវ ឬឈឺដោះដោយអាការផ្សេងៗ ហើយការព្យាបាលនោះ គ្រូពេទ្យនឹងធ្វើឡើងទៅតាមមូលហេតុរបស់វា…ចូរស្ត្រីកុំខ្មាសអៀនឱ្យសោះត្រូវតែនិយាយវា (ពិភាក្សា) ប្រាប់គ្រូពេទ្យ បើពុំដូច្នោះទេ វានឹងក្លាយទៅគ្រោះថ្នាក់ធំសម្រាប់ជីវិតជាមិនខាន។
ការពិភាក្សាជាមួយគ្រូពេទ្យស្តីពីអាការឈឺដោះនឹងនាំមកនូវដំណោះស្រាយជាច្រើនសម្រាប់ការព្យាបាលទៅតាមជំងឺនីមួយៗ វិធីព្យាបាលរួមមាន៖
-ប្រើអាវទ្រនាប់ដែលមានប៉ុងទន់អាចទ្រទម្ងន់សុដន់បានល្អ
-ប្រើថ្នាំបំបាត់ឈឺចាប់
-ប្រើថ្នាំ Danazol ក្នុងករណីឈឺចាប់ខ្លាំង
មានការព្យាបាលដទៃទៀតសម្រាប់ការឈឺដោះដូចជា
-ចៀសវាងការពិសាកាហ្វេអុីន
-ប្រើអំបិលតិច
-ប្រើវីតាមីន E ឬ B6
-ប្រើថ្នាំបញ្ចុះទឹកនោម
ភាគច្រើនការឈឺដោះតែងតែបាត់ទៅវិញ ដោយខ្លួនឯងបន្ទាប់ពីរយៈពេលយ៉ាងតិច១ខែ យ៉ាងយូរ៣ខែ ។
គួរក្រើនរំលឹកផងដែរថា អាការឈឺដោះវាមិនត្រឹមតែកើតឡើងដោយសារតែហេតុផលនារីជិតមករដូវប៉ុណ្ណោះទេ វាអាចបណ្តាលមកពីជំងឺផ្សេងៗ ឬការប្រែប្រួលនៃសរីរាង្គណាមួយ…។
បើយើងពិនិត្យមើលឱ្យទូលំទូលាយទៅមានរឿងរាវជាច្រើនអាចធ្វើឱ្យដោះរបស់នារីឈឺ ឬឡើងតឹង រោគសញ្ញារួមមាន ៖
-បំរែបំរួលអ័រម៉ុនក្នុងពេលមានរដូវ
-ឡើងចាល់ជាតិទឹកច្រើនពេកនៅក្នុងខ្លួន ដែលវាប្រហែលជាកើតឡើងក្នុងពេលមករដូវ ទើបបណ្តាលឱ្យឈឺដោះ
-មានរបួសលើដោះ (រោគមុន, ដុំសាច់)
-មានផ្ទៃពោះ
-កំពុងបំបៅដោះ
-មានជំងឺលើដោះមហារីដោះ (មិនសូវធ្វើឱ្យឈឺដោះទេ)៕
ចែករំលែកព័តមាននេះ