អ.ស.ប បានប៉ាន់ប្រមាណថា ពលរដ្ឋ១១លាននាក់ក្នុងតំបន់ស្នែងក្របីនៃទ្វីបអាហ្វ្រិករងការគំរាមកំហែងដោយគ្រោះទុរ្ភិក្ស ហើយមនុស្សជាច្រើនរយពាន់នាក់ក្នុងចំណោមមនុស្សទាំងនេះ អាចស្លាប់ដោយសារការអត់ឃ្លានប្រសិនបើសហគមន៍អន្តរជាតិមិនខិតខំដុតដៃដុតជើងជួយសង្គ្រោះពួកគេទេនោះ ។
បណ្តាអ្នកផ្តល់ជំនួយអន្តរជាតិ និងអ.ស.ប រងការរិះគន់យ៉ាងខ្លាំងចំពោះភាពយឺតយ៉ាវក្នុងការឆ្លើយតបចំពោះភាពរាំងស្ងួតយ៉ាងធ្ងន់ធ្ងរបំផុតនៅសូម៉ាលី អេត្យូពី កេនយ៉ា និងហ្ស៊ីប៊ូទីដែលតំបន់នេះជួបប្រទះចាប់តាំងពី២០ឆ្នាំមកហើយ។ អ.ស.ប បានប្រកាសអាសន្នពីគ្រោះទុរ្ភិក្សកាលពីសបា្តហ៍មុនក្នុងតំបន់២នាភាគខាងត្បូងសូម៉ាលី ។ ក៏ប៉ុន្តែអង្គការ PAM បានព្រមានថា គេពុំអាចបញ្ជូនជំនួយឱ្យដល់ត្រួតត្រាតំបន់ទាំងនោះមនុស្សជាង២លាននាក់ដែលរស់នៅក្នុងតំបន់ទាំងនេះ ព្រោះពួកជីវពលអ៊ិស្លាមនៃក្រុមអាល់ចាបាអាប ដែលហាមឃាត់មិនឱ្យបញ្ជូនជំនួយចូល។
លោកស្រី JOSETTE SHEERAN នាយិកាប្រតិបត្តិរបស់ PAM មានប្រសាសន៍ថា សម្រាប់ពេលនេះ យើងពុំអាចចូលទៅដល់មនុស្ស២,១២លាននាក់ ដែលកំពុងជួបប្រទះនឹងការអត់ឃ្លាន ឡើយ ។ នេះជាបរិយាកាសយ៉ាងគ្រោះថ្នាក់បំផុតដែលយើងពុំធ្លាប់ជួបលើពិភពលោកក្នុងការងារជួយសង្គ្រោះរបស់យើង ។ មនុស្សជាច្រើនអាចស្លាប់នាពេលនេះ ។ នេះមិនមែនជាបញ្ហានយោបាយទេ តែជាបញ្ហានៃអាយុជីវិត និងការជួយសង្គ្រោះ ៕
ចែករំលែកព័តមាននេះ