យោងតាមអ្នកស្រាវជ្រាវបាននិយាយថា ទទួលទានសារាយសមុទ្រអំឡុងអាហារពេលល្ងាចអាចជួយទប់ស្កាត់ជំងឺគាំងបេះដូងបាន។ ពួកគេបានស្រាវជ្រាវឃើញថា គ្រឿងផ្សំសំខាន់នៅក្នុងប្រភេទវារីជាតិនេះមានប្រសិទ្ធភាពជួយធ្វើឲ្យសម្ពាធឈាមចុះទាប ដែលប្រហាក់ប្រហែលទៅនឹងថ្នាំពេទ្យផងដែរ។
យោងតាមការសិក្សាដ៏សំខាន់មួយ សារាយសមុទ្រជាប្រភពសំបូរទៅដោយប្រូតេអុីនដែលមានឈ្មោះថា bioactive peptides។ ប្រភេទសារធាតុនេះគេក៏ឃើញមាននៅក្នុងទឹកដោះគោផងដែរ។ វាមានប្រសិទ្ធភាពប្រហាក់ប្រហែលគ្នានឹងឱសថACE inhibitorsដែលប្រើដើម្បីបញ្ចុះសម្ពាធឈាមនិងការពារជំងឺគាំងបេះដូងព្រមទាំងជំងឺស្ត្រូក។
នៅចក្រភពអង់គ្លេសសារ៉ាយសមុទ្រកម្រត្រូវបានគេទទួលទានខ្លាំងណាស់ ប៉ុន្តែផ្ទុយគ្នាស្រឡះ នៅប្រទេសជប៉ុនវាជាអាហាររាប់សតវត្សមកហើយ។ អាហារមានប្រជាប្រិយភាពដូចជា«វ៉ាកាមី»(ប្រើដាក់ក្នុងស៊ុប) «កុមប៊ីនិងណូរី»ជាអាហារគោកប្រើរុំលើបាយស៊ូស៊ី។
សារាយសមុទ្រតែមួយប្រភេទគត់ដែលជនជាតិអង់គ្លេសនិយមទទួលទាននោះគឺLaver(ជាប្រភេទសារាយពណ៌ក្រហម)។
លទ្ធផលនៃការស្រាវជ្រាវលើកនេះដែលបានបោះពុម្ភផ្សាយនៅក្នុងកាសែតគីមីវិទ្យាផ្នែកកសិកម្មនិងចំណីអាហាររបស់American Chemical Societyបានវិភាគលើភស្តុតាងនៃការសិក្សានានាចំនួន១០០។
បណ្តាអ្នកស្រាវជ្រាវជប៉ុនវិញក្នុងពេលថ្មីៗនេះបានរកឃើញថា សារាយសមុទ្រមានកាឡូរីទាប ហើយតាមអ្នកវិទ្យាសាស្ត្រខ្លះអះអាងថា វាអាចជួយបញ្ចុះទម្ងន់ដោយការទប់ស្កាត់ការស្រូបយកសារធាតុខ្លាញ់ ៕
ចែករំលែកព័តមាននេះ