ចេះតែបារម្ភ
បុរសម្នាក់មកពីខេត្តសួរសុខទុក្ខមិត្តរបស់ខ្លួន ព្រោះឮថា មួយថ្ងៃៗគិតតែអង្គុយស្រពាប់ស្រពោនហាក់បីដូចជាមានរឿងអ្វី លាក់ទុកក្នុងចិត្តអត់ចង់ឱ្យអ្នកណាដឹង ។ ជួបគ្នាភ្លាមបុរសមកពីខេត្តសួរ ៖
-ឮថាមួយរយៈនេះបងមានរឿងមិនសប្បាយចិត្ត តើរឿងអីទៅ?
-មិនមែនមិនសប្បាយចិត្តទេ គឺពិបាកចិត្ត ។ ខ្ញុំពិបាកចិត្តព្រោះមានអារម្មណ៍ដូចរឿងចាស់បម្រុងនឹងកើតឡើងវិញ ។
ចេះតែបារម្ភ
បុរសម្នាក់មកពីខេត្តសួរសុខទុក្ខមិត្តរបស់ខ្លួន ព្រោះឮថា មួយថ្ងៃៗគិតតែអង្គុយស្រពាប់ស្រពោនហាក់បីដូចជាមានរឿងអ្វីលាក់ទុកក្នុងចិត្តអត់ចង់ឱ្យអ្នកណាដឹង ។ ជួបគ្នាភ្លាមបុរសមកពីខេត្តសួរ ៖
-ឮថាមួយរយៈនេះបងមានរឿងមិនសប្បាយចិត្ត តើរឿងអីទៅ?
-មិនមែនមិនសប្បាយចិត្តទេ គឺពិបាកចិត្ត ។ ខ្ញុំពិបាកចិត្តព្រោះមានអារម្មណ៍ដូចរឿងចាស់បម្រុងនឹងកើតឡើងវិញ ។
-រឿងអី?
-រឿងប្រពន្ធខ្ញុំដែលលែងគ្នានោះអី?
-ចុះនាងហ្នឹងយ៉ាងម៉េច?
-កាលនាងលែងប្តីដំបូងមកយកខ្ញុំ គឺខ្ញុំជាប្តីទីពីររបស់នាង ។ ក្រោយមកនាងលែងខ្ញុំទៅយកប្តីទីបីទៀត, យកគ្នាមិនបានប៉ុន្មានផងក៏លែងចោល ស្រវាយកប្តីទីមួយវិញដដែល ។
-បងឯង និងគេលែងលះគ្នាដាច់ស្រេចហើយ គេចង់ធ្វើអីជារឿងរបស់គេ, ចាំបាច់ពិបាកចិត្តធ្វើអី?
-ខ្ញុំពិបាកចិត្តព្រោះខ្លាចនាងធ្វើសាឡើងវិញហ្នឹងណា៎ ។
-សាឡើងវិញយ៉ាងម៉េច?
-គឺលែងប្តីទីមួយរត់មករកខ្ញុំទៀត ៕
បំណងប្រាថ្នារបស់បុរស៣នាក់
បុរស៣នាក់ ពិភាក្សាគ្នាពីសាច់ញាតិរបស់ខ្លួននិយាយយ៉ាងម៉េច នៅពេលស្លាប់ត្រូវគេដាក់ក្នុងក្តារមឈូសនោះ ។ បុរសទីមួយបន្លឺឡើង ៖ ពេលខ្ញុំស្លាប់គេដាក់ចូលមឈូស ខ្ញុំចង់ឮគេយំរៀបរាប់ពីគុណសម្បត្តិខ្ញុំថា ជាវេជ្ជបណ្ឌិតមានឧត្តមគតិខ្ពស់, ជាបុរសគំរូក្នុងគ្រួសារ ។
បុរសទីពីរលើកឡើងម្តង ៖
-ពេលត្រូវដេកក្នុងមឈូស ខ្ញុំចង់ឮសាច់ញាតិយំសោកនិយាយថា ខ្ញុំជាប្តីដ៏អស្ចារ្យ ជាសាស្ត្រាចារ្យគំរូ ។ ការរៀបរាប់បែបនេះមានប្រយោជន៍ដល់ពួកកូនៗខ្ញុំ ។
ចំណែកបុរសទីបី ៖
-ដំបូងខ្ញុំចង់ឮគេយំសោកស្រណោះខ្ញុំ បន្ទាប់មកឮគេស្រែកឆោឡោ «នុះ, មឈូសកម្រើក ។ គាត់រស់វិញហើយ ។ បើកគម្របមឈូសឱ្យឆាប់!»៕
តុលាការវិនិច្ឆ័យអ៊ីចឹង
ភ្នាក់ងារប៉ូលិសចរាចរស្ទាក់រថយន្តមួយគ្រឿងបើកបំពានភ្លើងក្រហម ៖
-សូមលោកបង្ហាញប័ណ្ណបើកបរ ។
អ្នកបើកបរមើលមុខប៉ូលិសរួចដកដង្ហើមធំ ៖
-ប័ណ្ណបើកបរនៅលើដៃប្រពន្ធខ្ញុំដែលលែងលះគ្នា តើឱ្យខ្ញុំទៅយកពីណាជូនលោកមើល?
-នែ, ម៉េចប័ណ្ណបើកបរនៅលើដៃប្រពន្ធទៅវិញ?
-រឿងហ្នឹងមកពីតុលាការ ។
-តុលាការយ៉ាងម៉េច?
-ពេលពួកខ្ញុំប្តឹងលែងលះគ្នា តុលាការវិនិច្ឆ័យចែកទ្រព្យសម្បត្តិអ្វីៗក៏ជាពីរចំណែក ។ រថយន្តនេះបានមកខ្ញុំ ចំណែកប័ណ្ណបើកបរតុលាការប្រគល់ឱ្យប្រពន្ធខ្ញុំ ៕
ចែករំលែកព័តមាននេះ