មេដឹកនាំផ្តាច់ការលីប៊ី វរសេនីយ៍ឯកមូអាម៉ា កាដាហ្វី កាលពីថ្ងៃទី២១ កក្កដា កន្លងមក បានច្រានចោលជាថ្មីទៀត នូវការចរចាជាមួយពួកឧទ្ទាមក្នុងកិច្ចខិតខំប្រឹងប្រែង ដើម្បីបញ្ចប់ការកាន់អំណាចរយៈពេល៤១ឆ្នាំមកហើយរបស់លោក ។ លោកកាដាហ្វី ថ្លែងប្រាប់អ្នកគាំទ្រលោកជាច្រើនពាន់នាក់ ដែលប្រមូលផ្តុំគ្នានៅក្នុងទីក្រុង Sirte ជាកន្លែង
មេដឹកនាំផ្តាច់ការលីប៊ី វរសេនីយ៍ឯកមូអាម៉ា កាដាហ្វី កាលពីថ្ងៃទី២១ កក្កដា កន្លងមក បានច្រានចោលជាថ្មីទៀត នូវការចរចាជាមួយពួកឧទ្ទាមក្នុងកិច្ចខិតខំប្រឹងប្រែង ដើម្បីបញ្ចប់ការកាន់អំណាចរយៈពេល៤១ឆ្នាំមកហើយរបស់លោក ។ លោកកាដាហ្វី ថ្លែងប្រាប់អ្នកគាំទ្រលោកជាច្រើនពាន់នាក់ ដែលប្រមូលផ្តុំគ្នានៅក្នុងទីក្រុង Sirte ជាកន្លែងកំណើតរបស់លោកថា «នឹងមិនមានការចរចារវាងខ្ញុំជាមួយពួកឧទ្ទាមឡើយ ។ ពួកនេះចាំបាច់ត្រូវតែ ចរចាជាមួយពលរដ្ឋលីប៊ីហើយពលរដ្ឋលីប៊ីនឹងឆ្លើយតបចំពោះពួកគេ»។
កាលពីថ្ងៃទី២១ កក្កដា កន្លងមក ពួកអ្នកគាំទ្រលោកកាដាហ្វី ជាច្រើនពាន់នាក់បានប្រមូលផ្តុំគ្នានៅក្នុងទីក្រុង Sirte ដើម្បីបង្ហាញពីការគាំទ្ររបស់ពួកគេចំពោះលោកកាដាហ្វី ខណៈពួកឧទ្ទាមប្រកាសថា សង្គ្រាមមិនអាចបញ្ចប់តាមរយៈការចរចាបានឡើយ។
ពួកឧទ្ទាមលីប៊ី ដែលតស៊ូក្នុងការធ្វើសង្គ្រាមជាមួយកងកម្លាំងរបស់លោកកាដាហ្វី ទទួលរងការបាត់បង់ច្រើនក្នុងការប្រយុទ្ធគ្នាយ៉ាងធ្ងន់ធ្ងរកាលពីសប្តាហ៍មុននៅក្បែរទីក្រុងមីស្ត្រាតា កាន់កាប់ដោយពួកបះបោរនិងនៅទីក្រុងប្រេងប្រេហ្គាភាគខាងកើតប្រទេស ប៉ុន្តែទោះបីជាបែបណា ពួកឧទ្ទាមនេះ នៅតែតស៊ូយ៉ាងននះននៀល ដើម្បីទម្លាក់លោកកាដាហ្វី ចេញពីតំណែង។ ពួកឧទ្ទាមលីប៊ី និយាយកាលពីថ្ងៃទី២១ កក្កដា កន្លងមកថា ការរុលរបស់ពួកគេឆ្ពោះទៅរដ្ឋធានីទ្រីប៉ូលី ត្រូវបានធ្វើឱ្យមានការយឺតយាវដោយគ្រាប់មីន ដែលបង្កប់ក្នុងដីជាច្រើនរយគ្រាប់នៅទីក្រុងប្រេហ្គា ៕
ចែករំលែកព័តមាននេះ