ខេត្តតាកែវ ៖ ប្រជាកសិកររស់នៅក្នុងឃុំចារ ស្រុកព្រៃកប្បាស ខេត្តតាកែវ មានសេចក្តីរំភើបរីករាយជាខ្លាំងក្នុងពេលស្រូវវស្សារបស់ពួកគាត់ កំពុងតែប្រមូលផល ជាពិសេសការប្រមូលទិន្នផលស្រូវនេះមានគុណភាពខ្ពស់បន្ទាប់ពី ពួកគាត់ប្រើជីធម្មជាតិដីល្អសញ្ញារូបក្ងោក ។ នៅព្រឹកថ្ងៃទី២១ កក្កដា ឆ្នាំ២០១១ តំណាងក្រុមហ៊ុន
ខេត្តតាកែវ ៖ ប្រជាកសិកររស់នៅក្នុងឃុំចារ ស្រុកព្រៃកប្បាស ខេត្តតាកែវ មានសេចក្តីរំភើបរីករាយជាខ្លាំងក្នុងពេលស្រូវវស្សារបស់ពួកគាត់កំពុងតែប្រមូលផល ជាពិសេសការប្រមូលទិន្នផលស្រូវនេះមានគុណភាពខ្ពស់បន្ទាប់ពីពួកគាត់ប្រើជីធម្មជាតិដីល្អសញ្ញារូបក្ងោក ។ នៅព្រឹកថ្ងៃទី២១ កក្កដា ឆ្នាំ២០១១ តំណាងក្រុមហ៊ុននាំជីធម្មជាតិដីល្អសញ្ញារូបក្ងោកដែលនាំចូលផ្តាច់មុខសម្រាប់លក់ ឬចែកចាយនៅកម្ពុជារួមជាមួយក្រុមអ្នកបច្ចេកទេសមកពីបរទេសចុះពិនិត្យទិន្នផលស្រូវវស្សានៅក្នុងឃុំចារ ស្រុកព្រៃកប្បាស ខេត្តតាកែវជាច្រើនហិកតាដែលកំពុងប្រមូលផល បន្ទាប់ពីក្រុមហ៊ុននេះផ្តល់ជី និងបច្ចេកទេសផ្សេងៗសម្រាប់ជាការសាកល្បង ។ ជាលទ្ធផលនៃការប្រើប្រាស់ជីធម្មជាតិនេះ ប្រជាពលរដ្ឋពិតជាមានសេចក្តីរីករាយជាខ្លាំងនៅពេលប្រមូលបានទិន្នផលខ្ពស់ គួរឱ្យកត់សម្គាល់រហូតដល់មួយហិកតាពី៦ ទៅ៨តោន ដែលកាលពីមុនក្នុងមួយហិកតាបានតែក្រោម៦តោន។
កសិករឈ្មោះអ៊ឹង កាន នៅឃុំចារ ពេលកំពុងតែប្រមូលផលស្រូវតាមរយៈការច្រូតកាត់ និងបោកដោយម៉ាស៊ីនបានឱ្យដឹងថា ដីសម្រាប់ធ្វើស្រែវស្សារបស់គាត់មានចំនួន២ហិកតា ពេលនេះកំពុងប្រមូលផល ។ ការប្រមូលផលស្រូវឆ្នាំនេះមានទិន្នផលខ្ពស់ជាងឆ្នាំកន្លងទៅ បន្ទាប់ពីលោកប្រើដីធម្មជាតិជីល្អ សញ្ញារូបក្ងោកជារួមបានទទួលទិន្នផលក្នុងមួយហិកតាប្រមាណពី៦ ទៅ៨តោន ដែលឆ្នាំកន្លងទៅមិនដល់៦តោនទេ ។
លោកឧកញ៉ាឃី វណ្ណវិសាល នាយកក្រុមហ៊ុនដែលទទួលសិទ្ធិចែកចាយជីធម្មជាតិដីល្អសញ្ញារូបក្ងោក ឬសម្ភារកសិកម្មប្រភេទជីសរីរាង្គ (វីអេសធី)នៅប្រទេសកម្ពុជាបានឱ្យដឹងថា ជីធម្មជាតិនេះមានគុណភាពខ្ពស់សម្រាប់ការប្រើប្រាស់ដំណាំស្រូវមិនធ្វើឱ្យដីខូចគុណភាព ជួយបង្កើនជីជាតិដី អាចធ្វើដំណាំស្រូវបានល្អជាបន្តទៅទៀត ។ ក្រុមហ៊ុនមានគម្រោងលក់ ឬចែកចាយដល់គ្រប់ខេត្ត-ក្រុងនៅទូទាំងប្រទេសមានតម្លៃថោកសមរម្យដែលប្រជាកសិករមានលទ្ធភាពទិញបានដោយស្រួល ។ ក្រុមហ៊ុនក៏មានអ្នកបច្ចេកទេសម្រាប់ផ្តល់ការប្រឹក្សា ឬផ្តល់បទពិសោធន៍ដល់ប្រជាកសិករផ្ទាល់ ជាពិសេសការជ្រើសរើសពូជស្រូវ ការត្រាំពូជ ការកម្ចាត់សត្វល្អិត និងគុណភាពជីធម្មជាតិដីល្អសញ្ញារូបក្ងោកនេះតែម្តង ៕
ចែករំលែកព័តមាននេះ