រាជធានីភ្នំពេញ ៖ កាលពីព្រឹកថ្ងៃទី៩ ខែធ្នូ ឆ្នាំ២០២៥ កម្លាំងសមត្តកិច្ចការិយាល័យនគរបាលព្រហ្ម ទណ្ឌកម្រិតធ្ងន់រាជធានីភ្នំពេញ បានឃាត់ខ្លួនស្ត្រីម្នាក់យកទៅវាស់កំពស់រួចបញ្ជូនទៅតុលាការពាក់ពន្ធករណី.ឆបោក និងសមគំនិតក្នុងអំពើឆបោកប្រាក់ ។…
រាជធានីភ្នំពេញ ៖ កាលពីព្រឹកថ្ងៃទី៩ ខែធ្នូ ឆ្នាំ២០២៥ កម្លាំងសមត្តកិច្ចការិយាល័យនគរបាលព្រហ្ម ទណ្ឌកម្រិតធ្ងន់រាជធានីភ្នំពេញ បានឃាត់ខ្លួនស្ត្រីម្នាក់យកទៅវាស់កំពស់រួចបញ្ជូនទៅតុលាការពាក់ពន្ធករណី.ឆបោក និងសមគំនិតក្នុងអំពើឆបោកប្រាក់ ។
ស្ត្រីនោះមានឈ្មោះ ស៊ុត សុផាត អាយុ២៤ ឆ្នាំ មានទីលំនៅផ្ទះលេខ៨ ផ្លូវបេតុង ភូមិចោមចៅ១ សង្កាត់ចោមចៅ២ ខណ្ឌពោធិសែនជ័យ រាជធានីភ្នំពេញ ។
សមត្តកិច្ចបានបង្ហើបឲ្យដឹងថា ការឃាត់ខ្លួនស្ត្រីខាងលើនេះ គឺជាការអនុវត្តតាមដីកាបញ្ជាឲ្យចូលខ្លួន របស់អយ្យការអមសាលាដំ បូងរាជធានីភ្នំពេញ ។ តាមដីកាបញ្ជាឲ្យជនសង្ស័យចូលខ្លួន ដើម្បីសាកសួរលើបណ្តឹងព្រហ្មទណ្ឌពីបទ.ឆបោក និងសមគំនិតក្នុងអំពើឆបោក ប្រព្រឹត្តនៅចំណុចផ្ទះលេខ៨ ផ្លូវបេតុង ភូមិចោមចៅ១ សង្កាត់ចោមចៅ២ ខណ្ឌពោធិសែនជ័យ រាជធានីភ្នំពេញ កាលពីថ្ងៃទី២៧ ខែមីនា ឆ្នាំ២០២៥ បទល្មើសដែលមានចែងឲ្យផ្តន្ទាទោសតាមបញ្ញត្តិមាត្រា ២៩ មាត្រា ៣៧៧ និងមាត្រា ៣៧៧ នៃក្រមព្រហ្មទណ្ឌ ។
សំណុំរឿងខាងលើនេះ តំណាងអយ្យការកំពុងបើកការស៊ើបសួរនៅ ដូច្នេះនារសៀលថ្ងៃដដែលនេះ មិនទាន់ដឹងពីជោគវាសនារបស់ជនសង្ស័យយ៉ាង ណានៅឡើយទេ ប៉ុន្តែទំនងប្រហែលជាមិនអាចគេចផុតពីការឃុំខ្លួនបណ្តោះអាសន្ន ព្រោះជនសង្ស័យគ្មានប្រាក់សម្រាប់ទូទាត់សងទៅដើមបណ្តឹង ឬហៅថាប្រាក់តម្កល់ដើម្បីធានាខ្លួនឡើយ ៕
ចែករំលែកព័តមាននេះ