ខេត្តកំពង់ស្ពឺ ៖ បើយោងតាមរដ្ឋបាលខេត្តកំពង់ស្ពឺបានចេញសេចក្តីជូនដំណឹងស្តីពីការរៀបចំព្រឹត្តិការណ៍ «បុណ្យភ្នំ» ស្ថិតនៅឧទ្យានជាតិគីរីរម្យ ក្នុងឃុំចំបក់ ស្រុកភ្នំស្រួច ខេត្តកំពង់ស្ពឺ ។ រដ្ឋបាលខេត្តកំពង់ស្ពឺ…
ខេត្តកំពង់ស្ពឺ ៖ បើយោងតាមរដ្ឋបាលខេត្តកំពង់ស្ពឺបានចេញសេចក្តីជូនដំណឹងស្តីពីការរៀបចំព្រឹត្តិការណ៍ «បុណ្យភ្នំ» ស្ថិតនៅឧទ្យានជាតិគីរីរម្យ ក្នុងឃុំចំបក់ ស្រុកភ្នំស្រួច ខេត្តកំពង់ស្ពឺ ។
រដ្ឋបាលខេត្តកំពង់ស្ពឺ មានកិត្តិយសសូមគោរពជម្រាបជូនដំណឹងដល់សម្តេច ទ្រង់ ឯកឧត្តម លោកជំទាវ អ្នកឧកញ៉ា លោកឧកញ៉ា លោក លោកស្រី មន្ត្រីរាជការ កងកម្លាំងប្រដាប់អាវុធ បងប្អូន ប្រជាពលរដ្ឋសាធារណៈជន មេត្តាជ្រាបថា ដើម្បីចូលរួមចំណែកជាមួយរាជរដ្ឋាភិបាលកម្ពុជា ក្នុងការលើកកម្ពស់វិស័យទេសចរណ៍នៅក្នុងព្រះរាជាណាចក្រកម្ពុជា ឱ្យកាន់តែមានភាពរីកចម្រើន ព្រមទាំងទាក់ទាញភ្ញៀវទេសចរជាតិ និងអន្តរជាតិ ចូលរួមទស្សនាកំសាន្តតាមរមណីយដ្ឋាន តំបន់ទេសចរណ៍ធម្មជាតិ និងតំបន់ទេសចរណ៍ប្រវត្តិសាស្ត្រនានា ឱ្យមានភាពទាក់ទាញ និងទទួលបានការគាំទ្រពីសាធារណៈជនឱ្យកាន់តែច្រើនឡើងថែមទៀត ។
ក្នុងន័យនេះ រដ្ឋបាលខេត្តកំពង់ស្ពឺ នឹងរៀបចំព្រឹត្តិការណ៍ «បុណ្យភ្នំ» មានរយៈពេល០២ថ្ងៃ គឺចាប់ពីថ្ងៃទី២៧ ដល់ថ្ងៃទី២៨ ខែធ្នូ ឆ្នាំ២០២៥ ស្ថិតនៅឧទ្យានជាតិគីរីរម្យ ស្រុកភ្នំស្រួច ក្នុងខេត្តកំពង់ស្ពឺខាងមុខនេះ ជូនដល់បងប្អូនប្រជាពលរដ្ឋសាធារណៈជន ចូលរួមទស្សនាកំសាន្តដោយសេរី និងឱ្យបានច្រើនកុះករ ដើម្បីលើកស្ទួយវិស័យទេសចរណ៍ និងអភិរក្សវប្បធម៌ បរិស្ថានធម្មជាតិរបស់ប្រទេសជាតិយើងតាមតាមកម្មវិធី ដែលរដ្ឋបាលខេត្តបានគ្រោងរៀបចំឡើង។
អាស្រ័យដូចបានជម្រាបជូនខាងលើ សូមសម្តេច ទ្រង់ ឯកឧត្តម លោកជំទាវ អ្នកឧកញ៉ា លោកឧកញ៉ា លោក លោកស្រី មន្ត្រីរាជការ កងកម្លាំងប្រដាប់អាវុធ បងប្អូនប្រជាពលរដ្ឋ សាធារណៈជន មេត្តាចូលរួមឧបត្ថម្ភគាំទ្រកម្មវិធីខាងលើនេះឱ្យបានទូលំទូលាយ ៕
ចែករំលែកព័តមាននេះ