រាជធានីភ្នំពេញ ៖ ស្ត្រីម៉ាស្សាម្នាក់ ត្រូវបានបុរសម្នាក់វាយទាត់ធាត់ បន្ទាប់ពីទៅរកសេវាខាងក្រៅ នៅហាងម៉ាស្យាកោសជប់មួយកន្លែង ហើយនាងពុំព្រម ក៏ផ្ទុះហិង្សាតែម្តង រួចហើយគេចខ្លួន ។…
រាជធានីភ្នំពេញ ៖ ស្ត្រីម៉ាស្សាម្នាក់ ត្រូវបានបុរសម្នាក់វាយទាត់ធាត់ បន្ទាប់ពីទៅរកសេវាខាងក្រៅ នៅហាងម៉ាស្យាកោសជប់មួយកន្លែង ហើយនាងពុំព្រម ក៏ផ្ទុះហិង្សាតែម្តង រួចហើយគេចខ្លួន ។
អំពើហិង្សានេះបានបែកធ្លាយវីដេអូ ពីសកម្មភាពនេះកាលពីវេលាម៉ោង១១យប់ថ្ងៃទី១៣ ខែវិច្ឆិកា ឆ្នាំ២០២៥ បន្ទាប់ពីស្ត្រីរងគ្រោះបានប្ដឹងសមត្ថកិច្ចប៉ុស្តិ៍ជិត១ខែមកហើយ ប៉ុន្តែគ្មានចំណាត់ការ ក៏ដាច់ចិត្តហៅអ្នកសារព័័ត៌មាននៅឡាយ ដល់ហាងម៉ាស្យាកោសជប់ តែម្តង ។
អំពើហិ.ង្សានេះ បានកើតឡើងតាំងពីថ្ងៃទី២៣ ខែតុលា ឆ្នាំ២០២៥ នៅវេលាម៉ោង១យប់ នៅចំណុចហាង១៩៩ ម៉ាស្សាកោសជប់ ស្ថិតនៅបុរីពិភពថ្មី ឈូកវ៉ា២ ភូមិតិក្ខបញ្ញោ សង្កាត់សំរោងក្រោម ខណ្ឌពោធ៍សែនជ័យ រាជធានីភ្នំពេញ ។
បើតាមនារីរងគ្រោះពុំមិនបញ្ចេញឈ្មោះ បានអោយដឹងថា នៅថ្ងៃកើតហេតុ ខណៈពេលដែលនាងកំពុងអង្គុយលេងទូរសព្ទ ស្រាប់តែមានជនដៃដល់ម្នាក់
ជិះរថយន្តមួយគ្រឿង ដើរចូលទៅក្នុងសួរនាងរកសេវាកម្មផ្លូវភេ.ទ តែនាងប្រាថា ពុំមានទេ ហើយបុរសនោះថា សេវាកម្មអន់ម្ល៉េះ ហើយបុរសនោះ ក៏បានប្រើហិ.ង្សាដោយទាត់ធាក់ និងវាយមកលើរូបនាង រួចឡើងជិះរថយន្តគេចខ្លួនបាត់ ។
តាមស្ត្រីរងគ្រោះរូបនោះ បានឲ្យដឹងទៀតថា បុរសរូបនោះ មានគ្នាពីរនាក់ បានមករកសេវាកម្មផ្លូវភេ.ទ ចំនួនពីរដងហើយ តែលើកចុងក្រោយ ក៏បានវាយលើមុខលើនាងតែម្ដង។ បន្ទាប់ពីប្រើអំពើហិង្សា នៅវេលាម៉ោង៩ព្រឹកថ្ងៃទី២៤ ខែតុលា ឆ្នាំ២០២៥ នារីរងគ្រោះ ក៏បានមកដាក់ពាក្យបណ្ដឹងនៅស្នាក់ការប៉ុស្តិ៍នគរបាលសំរោងក្រោម រហូតមកដល់ពេលនេះ សមត្ថកិច្ចពុំទាន់មានចំណាត់ការនៅឡើយ។ ទោះបីនាងបានឃើញជនសង្ស័យ និងទាក់ទងទៅសមត្ថកិច្ចក៏មិនមកអន្តរាគមន៍ឃាត់ខ្លួនដែរ ។
នារីរូបនោះក៏បានបញ្ជាក់ទៀតថា ជនដៃដល់មានលំនៅនៅក្បែរនោះ ហើយបានដើរចុះឡើង និងឌឺនាងថែមទៀត។ នាងក៏បានបង្ហាញរូបថតជនដៃដល់ ទៅដល់អ្នកសារព័ត៌មាន និងបានបង្ហាញពីវីដេអូសកម្មភាពប្រើអំពើហិ.ង្សាផងដែរ ។
ស្ត្រីរងគ្រោះ ក៏បានទទូចស្នើសុំដល់សមត្ថកិច្ច មេត្តាជួយស្រាវជ្រាវ ដើម្បីតាមចាប់ខ្លួនជនដៃដល់មកផ្តន្ទាទោសតាមច្បាប់ ។ បើតាមនគរបាលប៉ុស្តិ៍សំរោងក្រោម បានអោយដឹងថា ករណីនេះបន្ទាប់ពីទទួលពាក្យបណ្តឹង សមត្ថកិច្ចកំពុងស្រាវជ្រាវ ៕
ចែករំលែកព័តមាននេះ