រាជធានីភ្នំពេញ ៖ ធនាគារជាតិនៃកម្ពុជា ក្រើនរម្លឹកសាធារណជនឱ្យមានការប្រុងប្រយ័ត្នខ្ពស់ ដើម្បីចៀសវាងការចាញ់បោក ឬធ្លាក់ក្នុងកលល្បិចរបស់ជនទុច្ចរិត ដែលនាំឱ្យខាតបង់ទ្រព្យសម្បត្តិផ្ទាល់ខ្លួន និងជាប់ពាក់ព័ន្ធនឹងទង្វើខុសច្បាប់ជាយថាហេតុ ។ នេះបើយោងតាមការប្រកាសរបស់ធនាគារជាតិ…
រាជធានីភ្នំពេញ ៖ ធនាគារជាតិនៃកម្ពុជា ក្រើនរម្លឹកសាធារណជនឱ្យមានការប្រុងប្រយ័ត្នខ្ពស់ ដើម្បីចៀសវាងការចាញ់បោក ឬធ្លាក់ក្នុងកលល្បិចរបស់ជនទុច្ចរិត ដែលនាំឱ្យខាតបង់ទ្រព្យសម្បត្តិផ្ទាល់ខ្លួន និងជាប់ពាក់ព័ន្ធនឹងទង្វើខុសច្បាប់ជាយថាហេតុ ។ នេះបើយោងតាមការប្រកាសរបស់ធនាគារជាតិ នៃកម្ពុជានាព្រឹកថ្ងៃទី១៤ ខែវិច្ឆិកានេះ ។
ធនាគារជាតិនៃកម្ពុជា បានបញ្ជាក់បន្ថែមថា សូមក្រើនរំលឹកដល់សាធារណជនឱ្យបង្កើនការប្រុងប្រយ័ត្នខ្ពស់ ចំពោះការចុចតំណភ្ជាប់ គេហទំព័រ ឬផ្លែតហ្វមវិនិយោគដែលមិនមានប្រភពច្បាស់លាស់ និងសូមកុំផ្ទេរប្រាក់ ផ្តល់ព័ត៌មានផ្ទាល់ខ្លួន ឬលក់គណនីធនាគារ និងលេខទូរស័ព្ទឱ្យបុគ្គលដទៃ ។
ធនាគារជាតិនៃកម្ពុជា បានបន្តថា ទន្ទឹមនោះដែរជនល្មើសមួយចំនួន បានប្រើល្បិចបោកបញ្ឆោតក្រោមទម្រង់ផ្សេងៗ ដូចជា ការក្លែងបន្លំខ្លួនជាសាច់ញាតិ ដើម្បីស្នើសុំខ្ចីប្រាក់ ឬឱ្យផ្ទេរប្រាក់ ការក្លែងបន្លំជាបុគ្គលិកគ្រឹះស្ថានធនាគារ និងហិរញ្ញវត្ថុ ឬក្រុមហ៊ុនឯកជន ដើម្បីផ្តល់ព័ត៌មានក្លែងក្លាយអំពីរំង្វាន់ ឬឱកាសការងារ ហើយតម្រូវ ឱ្យបង់ប្រាក់មុន ។
ចែករំលែកព័តមាននេះ