រាជធានីភ្នំពេញ៖ យោងតាមការផ្សាយរបស់មន្ទីរពេទ្យកាល់ម៉ែត ជំងឺទល់លាមកមិនមែនជាបញ្ហាស្រាលដែលអាចមើលរំលងបានឡើយ។ បើមិនបានដោះស្រាយទាន់ពេលទេ វានឹងបង្កជាផលវិបាកធ្ងន់ធ្ងរដល់សុខភាព និងប្រព័ន្ធរំលាយអាហាររបស់យើង។

៣ ផលវិបាកចម្បងដែលបង្កដោយជំងឺទល់លាមក

ជំងឺទល់លាមកបង្ខំឱ្យលាមករឹង និងពិបាកបន្ទោបង់ ដែលនាំឱ្យមានបញ្ហាដូចខាងក្រោម៖

• ១. អាចបង្កទៅជាជំងឺឬសដូងបាត​:
  ការប្រឹងខ្លាំងពេកដើម្បីបន្ទោបង់ ធ្វើឱ្យសរសៃឈាមនៅតំបន់គូទរីកប៉ោង និងហើម រហូតក្លាយជាជំងឺឬសដូងបាត។
• ២. ការដាច់រហែកភ្នាសបាត​:
  លាមករឹងធ្វើឱ្យមានការដាច់រហែកស្បែក ឬភ្នាសនៅបរិវេណគូទ។ ផលវិបាកនេះបណ្តាលឱ្យមាន ការធ្លាក់ឈាម និង ការឈឺចាប់ខ្លាំង រាល់ពេលបន្ទោបង់។
• ៣. បង្កជាបញ្ហារ៉ាំរ៉ៃដល់ពោះវៀនធំ និងមហារីក៖
  ប្រសិនបើការទល់លាមកនេះកើតឡើង រ៉ាំរ៉ៃ និងអូសបន្លាយយូរ វាក៏អាចបណ្តាលឱ្យមានបញ្ហា ខ្សោយពោះវៀនធំ និងក្លាយជាការ ប្រឈមមុខទៅនឹងជំងឺមហារីកពោះវៀនធំ ផងដែរ។

ការណែនាំ៖ ដើម្បីចៀសវាងផលវិបាកធ្ងន់ធ្ងរទាំងនេះ សូមកុំទុកឱ្យមានជំងឺទល់លាមក។ គួរតែទទួលទានទឹក និងជាតិសរសៃឲ្យបានគ្រប់គ្រាន់ ហើយពិគ្រោះជាមួយគ្រូពេទ្យ បើបញ្ហានេះនៅតែបន្តកើតមាន៕

​