ខេត្តកំពង់ស្ពឺ ៖ ជនសង្ស័យម្នាក់ត្រូវបានកម្លាំងនគរបាលស្រុកសាមគ្គីមុនីជ័យ ធ្វើការដេញប្រផាប់ចាប់ប្រផីងបាន ខណៈដែលធ្វើសកម្មភាពស្ទាក់វាយជនរងគ្រោះប្លន់យកម៉ូតូសង់បានសម្រេច ហើយព្យាយាមជិះគេចខ្លួនត្រូវកម្លាំងនគរបាលក្របួចជាប់ ។ ការឃាត់ខ្លួនជនសង្ស័យ កាលពីវេលាទៀបភ្លឺឈានចូលថ្ងៃទី១១ ខែវិច្ឆិកា…
ខេត្តកំពង់ស្ពឺ ៖ ជនសង្ស័យម្នាក់ត្រូវបានកម្លាំងនគរបាលស្រុកសាមគ្គីមុនីជ័យ ធ្វើការដេញប្រផាប់ចាប់ប្រផីងបាន ខណៈដែលធ្វើសកម្មភាពស្ទាក់វាយជនរងគ្រោះប្លន់យកម៉ូតូសង់បានសម្រេច ហើយព្យាយាមជិះគេចខ្លួនត្រូវកម្លាំងនគរបាលក្របួចជាប់ ។ ការឃាត់ខ្លួនជនសង្ស័យ កាលពីវេលាទៀបភ្លឺឈានចូលថ្ងៃទី១១ ខែវិច្ឆិកា ឆ្នាំ២០២៥ ស្ថិតនៅចំណុចភូមិត្រាចកោង ឃុំយុទ្ធសាមគ្គី ស្រុកសាមគ្គីមុនីជ័យ ខេត្តកំពង់ស្ពឺ ។
នគរបាលស្រុកសាមគ្គីមុនីជ័យបាននិយាយថា ជនសង្ស័យជាចោរប្លន់ឈ្មោះ វឿន វ័ន្ត ភេទប្រុស អាយុ២៣ឆ្នាំ មុខរបរមិនពិតប្រាកដ រស់នៅភូមិគាមុនី ឃុំរុងរឿង ស្រុកថ្ពង ខេត្តកំពង់ស្ពឺ ។ ម៉ូតូដែលជនសង្ស័យធ្វើសកម្មភាពស្ទាក់វាយប្លន់បានម៉ាកហុងដាសេ១២៥ ស៊េរីឆ្នាំ២០២១ ពណ៌ខ្មៅ ពាក់ផ្លាកលេខ កំពង់ស្ពឺ 1T-7189 របស់ជនរងគ្រោះ ឈ្មោះ លឹម ណារីម ភេទប្រុស អាយុ២១ឆ្នាំ រស់នៅក្នុងភូមិកោះ ឃុំក្រាំងចេក ស្រុកសាមគ្គីមុនីជ័យ ។
នគរបាលស្រុកសាមគ្គីមុនីជ័យបាននិយាយបន្តថា នៅមុនពេលឃាត់ខ្លួនជនសង្ស័យ គឺកម្លាំងនគរបាលបានធ្វើការចេញល្បាតតាមភូមិសាស្ត្រ និងតំបន់ស្មុគស្មាញ ហើយក៏ទទួលបានការរាយការណ៍ថា មានករណីស្ទាក់វាយយកម៉ូតូ ដែលកើតឡើងនៅចំណុចផ្លូវលំស្ថិតនៅក្នុងភូមិកណ្តក់ ឃុំព្រៃក្រសាំង ស្រុកសាមគ្គីមុនីជ័យ ម៉ូតូដែលជនសង្ស័យ ស្ទាក់វាយប្លន់យក ម៉ាកហុងដាC125 ពណ៌ខ្មៅ ស៊េរីឆ្នាំ២០២១ពាក់ស្លាកលេខកំពង់ស្ពឺ 1T-7189 របស់ជនរងគ្រោះឈ្មោះ លឹម ណារីម ភេទប្រុស អាយុ២១ឆ្នាំ រស់នៅភូមិកោះ ឃុំក្រាំងចេក ស្រុកសាមគ្គីមុនីជ័យ ។
នគរបាលស្រុកសាមគ្គីមុនីជ័យបានបញ្ជាក់ថា ក្រោយទទួលព័ត៌មានពីជនរងគ្រោះ កម្លាំងបានចេញអន្តរាគមន៍ និងបានសហការជាមួយកម្លាំងតាមបណ្ដាប៉ុស្តិ៍នគរបាលរដ្ឋបាលឃុំនានា ធ្វើការចេញល្បាតប្រទាក់ក្រឡាគ្នា ដើម្បីតាមស្វែងរកម៉ូតូនិងជនសង្ស័យ ហើយឈានទៅឃាត់ខ្លួនជនសង្ស័យបាននៅចំណុចភូមិត្រាចកោង ឃុំយុទ្ធសាមគ្គី ស្រុកសាមគ្គីមុនីជ័យ នៅវេលាម៉ោង០២និង៣០នាទីទៀបភ្លឺឈានចូលថ្ងៃទី១១ ខែវិច្ឆិកា ឆ្នាំ២០២៥។ក្រោយឃាត់ខ្លួន នគរបាលដកហូតវត្ថុតាងបានម៉ូតូជនរងគ្រោះ។ សមត្ថកិច្ចបានការអនុញ្ញាតប្រគល់ម៉ូតូជូនជនរងគ្រោះយកទៅប្រើប្រាស់វិញ។
ចំពោះជនសង្ស័យខាងលើ សមត្ថកិច្ចបានកសាងសំណុំរឿងបញ្ជូនទៅផែនការងារនគរ
បាលព្រហ្មទណ្ឌនៃស្នងការដ្ឋាននគរបាលខេត្ដកំពង់ស្ពឺ ដើម្បីចាត់ការបន្តតាមផ្លូវច្បាប់ ៕
ចែករំលែកព័តមាននេះ