ខេត្តកំពង់ចាម: ក្រោមការស្រាវជ្រាវរបស់កម្លាំងស្នងការដ្ឋាននគរបាលខេត្តកំពង់ចាមសហការជាមួយអធិការដ្ឋាននគរបាលស្រុកមេមត់ ខេត្តត្បូងឃ្មុំ ក្នុងរយៈពេល៤ថ្ងៃ បានតាមប្រមាញ់ជនសង្ស័យ២នាក់ ដែលបានឆក់ទូរសព្ទដៃស៊េរីទំនើប iphone17 ក្នុងភូមិសាស្ត្រសង្កាត់វាលវង់ ក្រុងកំពង់ចាម ពីស្ត្រីម្នាក់ដែលកំពុងធ្វើដំណើរដោយមធ្យោបាយម៉ូតូតាមដងផ្លូវ។…
ខេត្តកំពង់ចាម: ក្រោមការស្រាវជ្រាវរបស់កម្លាំងស្នងការដ្ឋាននគរបាលខេត្តកំពង់ចាមសហការជាមួយអធិការដ្ឋាននគរបាលស្រុកមេមត់ ខេត្តត្បូងឃ្មុំ ក្នុងរយៈពេល៤ថ្ងៃ បានតាមប្រមាញ់ជនសង្ស័យ២នាក់ ដែលបានឆក់ទូរសព្ទដៃស៊េរីទំនើប iphone17 ក្នុងភូមិសាស្ត្រសង្កាត់វាលវង់ ក្រុងកំពង់ចាម ពីស្ត្រីម្នាក់ដែលកំពុងធ្វើដំណើរដោយមធ្យោបាយម៉ូតូតាមដងផ្លូវ។
សមត្ថកិច្ចបានប្រាប់ឲ្យដឹងនាព្រឹកថ្ងៃទី ២វិច្ឆិកា ឆ្នាំ២០២៥ថា:ក្រោយពីបានបាត់ទូរសព្ទ iphone សារីទំនើបចុងក្រោយអ្នករងគ្រោះបានមកដាក់ពាក្យបណ្ដឹងនៅអធិការដ្ឋាននគរបាលក្រុងកំពង់ចាមដើម្បីឲ្យសមត្ថកិច្ចធ្វើការស្រាវជ្រាវតាមវែកមុខក្រុមចោរចំនួនពីរនាក់ ដែលបានធ្វើសកម្មភាពឆក់យកទូរសព្ទដៃរួមហ្នឹងរបស់ទ្រព្យមួយចំនួនទៀត។បន្ទាប់មកកម្លាំងព្រហ្មទណ្ឌក្រុងដោយទទួលបានបញ្ជាពីលោកអធិការនគរបាលក្រុងបានចុះស្រាវជ្រាវដល់កន្លែងកើតហេតុដែលមើលឃើញក្រុមចោរតាមរយៈកាមេរ៉ាសុវត្ថិភាព។
សមត្ថកិច្ចបានបន្តឲ្យដឹងទៀតថា កាលពីថ្ងៃទី២៨ ខែតុលា ឆ្នាំ២០២៥ វេលាម៉ោង៨និង៥០នាទីយប់ កម្លាំងជំនាញផ្នែកនគរបាលយុត្តិធម៌បាននៃអធិការដ្ឋាននគរបាលក្រុងកំពង់ចាម ទទួលបណ្ដឹងពីឈ្មោះ រឿន សារ៉ាត ភេទស្រី អាយុ២៤ឆ្នាំ ស្នាក់នៅភូមិទី២ សង្កាត់វាលវង់ ក្រុងកំពង់ចាម ខេត្តកំពង់ចាម សុំប្តឹងពីជនមិនស្គាល់អត្តសញ្ញាណចំនួន០២នាក់ភេទប្រុស ពាក់អាវពណ៍ខ្មៅ ស្លៀកខោរខ្មៅជើងវែងមិនចាំពណ៏ ពាក់មួកសុវត្ថិភាពពណ៍ខ្មៅទាំង០២នាក់ មាឌស្គមខ្ពស់ ជិះម៉ូតូម៉ាកសេ១២៥ មិនដឹងឆ្នាំ ផលិត មានកាំបន្ទះពណ៍ខ្មៅ ពីបទ លួចមានស្ថានទម្ងន់ទោស (ឆក់កាបូប) ។
ជាមួយនោះរបស់ទ្រព្យដែលបានបាត់បង់មាន÷
-ទូរដៃម៉ាកIPhone 17 Pro makពណ៍ទឹកក្រូចទើបតែចេញថ្មីៗ
-លុយខ្មែរចំនួន៥០ម៉ឺន លុយដុល្លាចំនួន៤០០ដុល្លា
-សោរចំនួន០២
-អត្តសញ្ញាបណ្ណចំនួន០១
ក្រោយទទួលព័ត៍មានភ្លាម កម្លាំងអធិការដ្ឋាននគរបាលក្រុងកំពង់ចាម បានចុះទៅដល់កន្លែងកើតហេតុ ធ្វើការស្រាវជ្រាវ រហូតដល់ថ្ងៃទី៣១ ខែតុលា ឆ្នាំ២០២៥ រកឃើញទូរស័ព្ទរបស់អ្នករងគ្រោះនៅនឹងឈ្មោះ រុន សុភា ភេទប្រុស អាយុ៤១ឆ្នាំ នៅភូមិកន្លែងជ្រៅ ឃុំ ក្របៅ ស្រុកកំចាយមារ ខេត្តព្រៃវែង កំពង់ប្រើប្រាស់។ បន្ទាប់មកសមត្ថកិច្ចកំណត់បានមុខសញ្ញា បន្តសហការជាមួយ កម្លាំងព្រហ្មទណ្ឌនៃអធិការដ្ឋាននគរបាលស្រុកមេមត់ រហូតដល់វេលាម៉ោង៦និង៣០នាទីល្ងាចថ្ងៃទី៣១ ខែតុលា ឆ្នាំ២០២៥ នៅចំណុចតារាងបាល ស្ថិតនៅនៅភូមិទ្រមូង ឃុំទ្រមូង ស្រុកមេមត់ ខេត្តត្បូងឃ្មុំ ចាប់បានជនសង្ស័យចំនួន២នាក់ក្នុងនោះមាន÷
១.ឈ្មោះ លុយ សុខឡៃ ភេទប្រុស អាយុ២៥ឆ្នាំ នៅភូមិតាមេងលើ ឃុំទ្រមូង ស្រុកមេមត់ ខេត្តត្បូងឃ្មុំ មុខរបរ កសិក
២.ឈ្មោះ មីន សាលី ភេទប្រុស អាយុ២២ឆ្នាំ នៅភូមិអណ្តូងតាជោ ឃុំរូង ស្រុកមេមត់ ខេត្តត្បូងឃ្មុំ មុខរបបើកបរ ជនសង្ស័យបានបញ្ជូនមក អធិការដ្ឋាននគរបាលក្រុងកំពង់ចាម ដើម្បីធ្វើការសាកសួរ ជនសង្ស័យបានឆ្លើយសាភាព ថា ពួកខ្លួនទាំងពីនាក់ពិតជាបានធ្វើសកម្មភាពជិះម៉ូតូ ធាក់ប្តួលម៉ូតូខាងលើ រួចបកមកឆក់យកកាបូប ហើយជិះគេចខ្លួនដោយបើកម៉ូតូត្រឡប់មកកាន់កន្លែងលក់ទូរសព្ទ ក្នុងខេត្តព្រៃវែង ពេលបានលុយហើយចែកគ្នាចាយសប្បាយហ៊ឺហាត្រឡប់ទៅផ្ទះវិញនៅស្រុកមេមត់ ខេត្តត្បូងឃ្មុំ។តាមរយៈការធ្វើតេស្តទឹកម៉ូតរកសាធាតុញៀនលើជនសង្ស័យទាំង២នាក់ (អវិជ្ជមាន) ។ចំពោះសម្ភារៈដកហូត
១.ទូរស័ព្ទ១គ្រឿង iPhone 17 bro max ពណ៌ទឹកក្រូច (របស់ជនរងគ្រោះ)
២.ទូរស័ព្ទ១គ្រឿង iPhone 16 bro max ពណ៌ប្រផេះ (របស់ជនសង្ស័យ)
៣.ទូរស័ព្ទ១គ្រឿង iPhone 11 bro ពណ៌ខ្មៅ (របស់ជនសង្ស័យ)
បច្ចុប្បន្នជនសង្ស័យទាំង២នាក់ ត្រូវបានឃាត់ខ្លួន បណ្ដោះអាសន្ន នៅ អធិការដ្ឋាននគរបាលក្រុងកំពង់ចាម តាមបញ្ជាឯកឧត្តម វង្ស ប៊ុនវិសុទ្ធ ព្រះរាជអាជ្ញានៃអយ្យការអមសាលាដំបូងខេត្តកំពង់ចាម ។ គិតរហូតមកដល់ថ្ងៃទី 2 វិច្ឆិកាឆ្នាំ 2025 ជនសង្ស័យទាំងពីរនាក់ដែលបានធ្លាក់ផ្ដួលម៉ូតូអ្នករងគ្រោះប្លន់យកទូរសព្ទដៃហ្នឹងសម្ភារៈមួយចំនួនទៀតត្រូវបានកម្លាំងស្នងការដ្ឋាននគរបាលខេត្តកំពុងចាត់ការតាមនីតិវិធី ៕
ចែករំលែកព័តមាននេះ