រាជធានីភ្នំពេញៈជនសង្ស័យម្នាក់ត្រូវបាននគរបាល ខណ្ឌទួលគោកឃាត់ខ្លួនបន្ទាប់ ពីធ្វើសកម្មភាពលួចម៉ូតូម៉ាក Suzuki Nexពីនិស្សិតស្រីម្នាក់ទៅតាមដងផ្លូវ។ តាមនគរបាលខណ្ឌទួលគោកបានអោយដឹងថា នៅថ្ងៃទី០២ ខែវិច្ឆិកា ឆ្នាំ២០២៥ វេលាម៉ោងប្រហែល០១:៥០នាទីរំលងអាធ្រាត្រ…
រាជធានីភ្នំពេញៈជនសង្ស័យម្នាក់ត្រូវបាននគរបាល ខណ្ឌទួលគោកឃាត់ខ្លួនបន្ទាប់ ពីធ្វើសកម្មភាពលួចម៉ូតូម៉ាក Suzuki Nexពីនិស្សិតស្រីម្នាក់ទៅតាមដងផ្លូវ។
តាមនគរបាលខណ្ឌទួលគោកបានអោយដឹងថា នៅថ្ងៃទី០២ ខែវិច្ឆិកា ឆ្នាំ២០២៥ វេលាម៉ោងប្រហែល០១:៥០នាទីរំលងអាធ្រាត្រ កម្លាំងប៉ុស្តិ៍នគរបាលរដ្ឋបាលទឹកល្អក់ទី៣ នៃអធិការដ្ឋាននគរបាលខណ្ឌទួលគោក បានធ្វើការឃាត់ខ្លួនជនសង្ស័យ០១នាក់ពីបទលួច(លួចម៉ូតូ០១គ្រឿងម៉ាក Suzuki Nexប្រព្រឹត្តបទល្មើសនៅចំណុចលើដងផ្លូវលេខ ផ្លូវលេខ២៦៥ ក្រុមទី៣៥ ភូមិ១៣ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ ។
ជនសង្ស័យឈ្មោះ កាន់ ចាន់វិច្ឆិកា ភេទប្រុស អាយុ៣៥ឆ្នាំ ជនជាតិខ្មែរ មុខរបរ និងស្នាក់នៅ ពុំពិតប្រាកដ (មានសារធាតុញៀន) ។
ចំណែកជនរងគ្រោះ:ឈ្មោះ កន ពិសិទ្ធ ភេទប្រុស អាយុ២០ឆ្នាំ ជនជាតិខ្មែរ មុខរបរ និស្សិតឆ្នាំទី២ ស្នាក់នៅផ្ទះជួលពុំមានលេខ ផ្លូវលេខ២៦១ សង្កាត់បឹងសាឡាង ខណ្ឌទួលគោក រាជធានីភ្នំពេញ ។
បន្ទាប់ពីឃាត់ខ្លួនសមត្ថកិច្ចដករហូតវត្ថុតាងចាប់យកមាន៖ម៉ូតូ០១គ្រឿងម៉ាក Suzuki Nex ពណ៍ស ពាក់ផ្លាកលេខ កណ្ដាល 1Z-9418 ជារបស់ជនរងគ្រោះប្រគល់អោយម្ចាស់វិញ។
បច្ចុប្បន្ន : ជនសង្ស័យខាងលើ កំពុងឃាត់ខ្លួនជាបណ្ដោះអាសន្ននៅ អធិការដ្ឋាននគរបាលខណ្ឌទួលគោក ដើម្បីសាកសួរតាមនីតិវិធី៕
ចែករំលែកព័តមាននេះ