រាជធានីភ្នំពេញ ៖ ជនសង្ស័យ២នាក់ត្រូវបានកម្លាំងសមត្ថកិច្ចអន្តរាគមន៍ពិសេសនៃអធិការខណ្ឌមានជ័យ ធ្វើការឃាត់ខ្លួន បន្ទាប់ពីជនសង្ស័យទាំងនោះបានធ្វើសកម្មភាពកាត់ខ្សែភ្លើង នៅលើស្ពានអាកាសមរតកតេជោ កាលពីវេលាម៉ោង១២និង១០នាទីរំលងអាធ្រាត្រឈានចូលថ្ងៃទី១ខែវិច្ឆិកាឆ្នាំ២០២៥ ចំនុចលើស្ពានអាកាសមរតកតេជោ សង្កាត់ចាក់អង្រែលើ ខណ្ឌមានជ័យ…
រាជធានីភ្នំពេញ ៖ ជនសង្ស័យ២នាក់ត្រូវបានកម្លាំងសមត្ថកិច្ចអន្តរាគមន៍ពិសេសនៃអធិការខណ្ឌមានជ័យ ធ្វើការឃាត់ខ្លួន បន្ទាប់ពីជនសង្ស័យទាំងនោះបានធ្វើសកម្មភាពកាត់ខ្សែភ្លើង នៅលើស្ពានអាកាសមរតកតេជោ កាលពីវេលាម៉ោង១២និង១០នាទីរំលងអាធ្រាត្រឈានចូលថ្ងៃទី១ខែវិច្ឆិកាឆ្នាំ២០២៥ ចំនុចលើស្ពានអាកាសមរតកតេជោ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។
ជនសង្ស័យទី១-ឈ្មោះ ពេជ្រ អាយុ៤៨ឆ្នាំ មុខរបររើសអេតចាយ ស្នាក់នៅមិនពិប្រាកដ ចំណែកជនសង្ស័យទី២-ឈ្មោះ ម៉ាញ អាយុ៣០ឆ្នាំ មុខរបររើសអេតចាយ ស្នាក់នៅមិនពិតប្រាកដ ។ សមត្ថកិច្ចបានដកហូតវត្ថុតាង ខ្សែភ្លើងមួយចំនួន និងឧបករណ៍សំរាប់ធ្វើសកម្មភាពមួយចំនួនផងដែរ ។
សមត្ថកិច្ចបានអោយដឹងថា មុននឹងឈានដល់ការឃាត់ខ្លួនជនសង្ស័យទាំងនេះបាន ដោយមានការចង្អុលបង្ហាញពីលោក អ៊ុក បូនីន អធិការខណ្ឌមានជ័យ ផងនោះ គឺនៅយប់ថ្ងៃកើតហេតុ កម្លាំងអន្តរាគមន៍ពិសេសនៃអធិការដ្ឋាននគរបាលខណ្ឌមានជ័យ បានធ្វើការល្បាតពួនស្ទាក់ទប់ស្កាត់បទល្មើសក្នុងមូលដ្ឋាន និងការពារសុខសុវត្ថិភាពជូនប្រជាពលរដ្ឋ លុះមកដល់ចំណុចលើស្ពានអាកាសមរតកតេជោ ក៍ប្រទះឃើញជាក់ស្ដែងនូវជនសង្ស័យ២នាក់កំពុងតែធ្វើសកម្មភាព កាត់ខ្សែភ្លើង នៅលើស្ពាន ទើបកម្លាំងសមត្ថកិច្ច បានធ្វើការឃាត់ខ្លួនជនសង្ស័យទាំងនោះភ្លាមៗ ព្រមទាំងដកហូតវត្ថុតាំង ខ្សែភ្លើងមួយចំនួនផងដែរ ។
ចំពោះការសាកសួរជាក់ស្តែង ជនសង្ស័យទាំងពីរនាក់ បានសារភាពថាពិតជាបានធ្វើសកម្មភាព កាត់ខ្សែភ្លើង ពិតប្រាកដមែន ទើបតែមួយដងតែប៉ុណ្ណោះ ។
ករណីនេះផងដែរ កម្លាំងអន្តរាគមន៍ពិសេស នៃអធិការដ្ឋាននគរបាលខណ្ឌមានជ័យ ក៍បានសហការជាមួយនគរបាលប៉ុស្តិ៍រដ្ឋបាលចាក់អង្រែលើ អោយមកទទួលយកជនសង្ស័យទាំងនោះរួមទាំងវត្ថុតាំងយកទៅសួរនាំនិងចាត់ការតាមនិតិវិធី ៕
ចែករំលែកព័តមាននេះ