កាសែតចិន“ឆាយណាដេលី” ដោយយោងតាមរបាយការណ៍របស់គណៈកម្មការថែរក្សាសមុទ្រផ្សាយឱ្យដឹងថា បច្ចុប្បន្នទឹកនៅក្នុងសមុទ្ររបស់ចិនសំបូរដោយសារធាតុពុលគ្រប់ ប្រភេទរួមមានទាំងប្រេង និងសារធាតុគីមី កំចាត់សត្វល្អិតបំផ្លាញដំណាំផង។ សារធាតុពុលទាំងនេះបានឡូកឡំសត្វ ទឹកដូចជាព្រោន បង្កង ងាវ និង ក្ដាម ជាដើម ។
កាសែតចិន“ឆាយណាដេលី” ដោយយោងតាមរបាយការណ៍របស់គណៈកម្មការថែរក្សាសមុទ្រផ្សាយឱ្យដឹងថា បច្ចុប្បន្នទឹកនៅក្នុងសមុទ្ររបស់ចិនសំបូរដោយសារធាតុពុលគ្រប់ប្រភេទរួមមានទាំងប្រេង និងសារធាតុគីមី កំចាត់សត្វល្អិតបំផ្លាញដំណាំផង។ សារធាតុពុលទាំងនេះបានឡូកឡំសត្វ ទឹកដូចជាព្រោន បង្កង ងាវ និង ក្ដាម ជាដើម ។
ព្រោន បង្កង ងាវ ក្ដាម នៅបរិវេណឆ្នេរសមុទ្ររបស់ចិនមានសារធាតុពុលឡូកឡំ ដូចជាសំណ និង DDT ក្នុងកំរិតដ៏គ្រោះថ្នាក់បំផុត ។ សមត្ថកិច្ចជំនាញបានត្រួតពិនិត្យឃើញថា សត្វទាំងនេះមានសារធាតុសំណ លាយឡំយ៉ាងលើសលប់ពីកំរិតធម្មតា គឺច្រើនជាង៥០% និងមានសារធាតុ DDT ខ្ពស់ជាងប្រក្រតីដល់ទៅ៤០% ។
សារធាតុសំណ គឺជាប្រភេទសារធាតុម្យ៉ាងបំផ្លាញប្រព័ន្ធសរសៃប្រសាទ និងបង្កើតភាពខុសប្រក្រតីក្នុងឈាម និងខួរក្បាល ។ អង្គការសុខភាពពិភពលោកបញ្ជាក់ថា សារធាតុ DDT ជាសារធាតុគ្រោះថ្នាក់ធុនកណ្ដាល ។ គណៈកម្មការថែរក្សាក្នុងសមុទ្រចិន បានបញ្ជាក់ពីគុណភាពទឹកនៅក្នុងឆ្នេរសមុទ្រប្រហែល១៤៧.០០០ គីឡូម៉ែត្រក្រឡាកាលពីឆ្នាំ២០០៩ថា ទាបជាងកំរិតបទដ្ឋាន ដោយមានគ្រោះថ្នាក់ធ្ងន់ធ្ងរច្រើនជាង៧,៣%ធៀបនឹងឆ្នាំ២០០៨ ។
ប្រទេសចិនបានកែទំរង់ប្រព័ន្ធសេដ្ឋកិច្ចអស់រយៈពេល៣០ឆ្នាំ ហើយបច្ចុប្បន្នកំពុងប្រកួតប្រជែងជាមួយជប៉ុន ដោយប្រជែង ឡើងជាប្រទេសមហាអំណាចសេដ្ឋកិច្ចលំដាប់ទី២នៅលើពិភពលោក ប៉ុន្ដែបច្ចុប្បន្ន ចិនជាប្រទេសមួយដែលមានជាតិពុលខ្ពស់បំផុតនៅលើពិភពលោក ៕
ចែករំលែកព័តមាននេះ