ផឹកកាហ្វេ៤ពែងក្នុង១ថ្ងៃជួយទប់ស្កាត់មហារីកមាត់
ការសិក្សាមួយបានបង្ហាញថា ផឹកកាហ្វេ ៤ពែងក្នុងមួយថ្ងៃ អាចជួយការពារជំងឺមហារីកមាត់បាន ។ ការសិក្សានេះ ក៏បានបង្ហាញផងដែរថា មនុស្សដែលទម្លាប់ផឹក កាហ្វេច្រើនមានអត្រាកើតជំងឺមហារីកមាត់ និងបំពង់កផ្នែកខាងលើតែ៣៩ភាគរយប៉ុណ្ណោះ ។ តែទោះជាយ៉ាងនេះក្ដី បណ្ដាវេជ្ជបណ្ឌិតបាននិយាយថា គេក៏មិនគួរផឹកកាហ្វេឱ្យច្រើនលើសលប់នោះទេ ដ្បិតសារធាតុកាហ្វេអ៊ីនដែលមាននៅក្នុងកាហ្វេអាចធ្វើ ឱ្យចង្វាក់បេះដូងដើរញាប់ និងសំពាធឈាមកើនឡើង។ អ្វីដែលរឹតតែពិសេសនៅក្នុងការរកឃើញលើកនេះ គឺក្នុងកាហ្វេមានសារធាតុគីមីចំនួន១.០០០មុខ ដែលក្នុងនោះមានទាំងសមាសធាតុប្រឆាំងនឹងអុកស៊ីដកម្មផងដែរ។ សមាធាតុនេះមានលទ្ធភាពប្រឆាំងនឹងជំងឺមហារីកបាន ។
ចែករំលែកព័តមាននេះ