រដ្ឋមន្ត្រីការបរទេសអេហ្ស៊ីប លោក Mohamed el-orabi បានសុំលាលែងចេញពីតំណែងកាលពីថ្ងៃទី១៦ កក្កដា កន្លងមក ជាផ្នែកមួយនៃផែនការរុះរើគណៈរដ្ឋមន្ត្រីរបស់រដ្ឋាភិបាល និងដើម្បីជាការឆ្លើយតបចំពោះបាតុកម្មដែលនៅបន្តកើតឡើងស្ទើររាល់ថ្ងៃអំពាវនាវឱ្យមានការធ្វើកំណែទម្រង់សម្រាប់ប្រទេស។
លោកនាយករដ្ឋមន្ត្រី Esan Sharaf បានទទួលយកពាក្យសុំលាលែងចេញពីតំណែងរបស់លោក Mohamed ដែលទើបកាន់តំណែងរដ្ឋមន្ត្រីការបរទេសបានរយៈពេលជិត១ខែប៉ុណ្ណោះ។ នេះបើតាមការឱ្យដឹងដោយអ្នកនាំពាក្យក្រសួងការបរទេសអេហ្ស៊ីបលោក Menha Bakhoum ។
ការសុំលាលែងចេញពីតំណែងរបស់លោក Mohamed ធ្វើឡើងចំពេលកំពុងមានការផ្លាស់ប្តូរក្នុងរដ្ឋាភិបាលដោយលោកនាយករដ្ឋមន្ត្រី Sharaf ប្រកាសកាលពីថ្ងៃទី១៦ កក្កដា ថា លោក Hazem Al-Beslawy និងលោក Ali Al-Selmy ត្រូវបានជ្រើសតាំងជាឧបនាយករដ្ឋមន្ត្រី។ ពុំទាន់មានអ្នកណាម្នាក់ទទួលការតែងតាំងជំនួសលោក Mohamed នៅឡើយទេ ៕
ចែករំលែកព័តមាននេះ