អភិបាលក្រុងម៉ាឌ្រីដរបស់ប្រទេសអេស្ប៉ាញកាលពីថ្ងៃពុធបានអះអាងថា ទីក្រុងរបស់ខ្លួននឹងចូលដេញថ្លៃធ្វើជាម្ចាស់ផ្ទះប្រកួតកីឡាអូឡាំពិកនៅរដូវក្តៅឆ្នាំ២០២០ ខាងមុខ។
លោកអាល់បឺតូ រូអ៊ីស ហ្គាលឡាដុងបាននិយាយថា៖«គេគ្មានការសង្ស័យទេដែលថា ប្រសិនជាទីក្រុងក្នុងទ្វីបអឺរ៉ុបមួយបានជាប់ជាម្ចាស់ផ្ទះប្រកួតអូឡាំពិកឆ្នាំ២០១៨រួចហើយនោះ
អភិបាលក្រុងម៉ាឌ្រីដរបស់ប្រទេសអេស្ប៉ាញកាលពីថ្ងៃពុធបានអះអាងថា ទីក្រុងរបស់ខ្លួននឹងចូលដេញថ្លៃធ្វើជាម្ចាស់ផ្ទះប្រកួតកីឡាអូឡាំពិកនៅរដូវក្តៅឆ្នាំ២០២០ ខាងមុខ។
លោកអាល់បឺតូ រូអ៊ីស ហ្គាលឡាដុងបាននិយាយថា៖«គេគ្មានការសង្ស័យទេដែលថា ប្រសិនជាទីក្រុងក្នុងទ្វីបអឺរ៉ុបមួយបានជាប់ជាម្ចាស់ផ្ទះប្រកួតអូឡាំពិកឆ្នាំ២០១៨រួចហើយនោះ ដូច្នេះក្តីសង្ឃឹមក្នុងការចូលដេញថ្លៃម្តងទៀតប្រហែលជាមិនបានជោគជ័យទេ»។
ទីក្រុងម៉ាឌ្រីដធ្លាប់បានទទួលការបរាជ័យក្នុងការដេញថ្លៃធ្វើជាម្ចាស់ផ្ទះអូឡាំពិករដូវក្តៅ២លើករួចមកហើយ។ ការដេញថ្លៃអូឡាំពិកឆ្នាំ២០១២ម៉ាឌ្រីដចាញ់ទីក្រុងឡុងដ៍របស់អង់គ្លេសខណៈដេញថ្លៃអូឡាំពិកឆ្នាំ២០១៦ចាញ់ទីក្រុងរីយ៉ូដឺហ្សានេរ៉ូរបស់ប្រេស៊ីល។ ទីក្រុងម៉ាឌ្រីដសង្ឃឹមថា ខ្លួននឹងទទួលបានលទ្ធផលល្អដូចជាទីក្រុងពីយ៉ុងឆាងរបស់កូរ៉េខាងត្បូងដែលទទួលបានជោគជ័យធ្វើជាម្ចាស់ផ្ទះប្រកួតកីឡាអូឡាំពិករដូវរងាឆ្នាំ២០១៨នៅក្នុងការចូលដេញថ្លៃជាលើកទី៣។
ការប្រកាសលទ្ធផលថា តើអូឡាំពិករដូវក្តៅឆ្នាំ២០២០ត្រូវធ្វើនៅទីកន្លែងណា? ដែលការរៀបចំនោះ នឹងត្រូវធ្វើឡើងដោយគណៈកម្មាធិការអូឡាំពិកពិភពលោកនៅទីក្រុងវ៉េណូស៊ែរ៉េសប្រទេសអាហ្សង់ទីននាខែកញ្ញាឆ្នាំ២០១៣។ ថ្លែងតាមរយៈគេហទំព័រជាផ្លូវការរបស់IOCលោកអភិបាលហ្គាលឡាដុងបានបញ្ជាក់ថា៖ «ប្រសិនបើយើងមិនទុកចិត្តថា ម៉ាឌ្រីដគ្មានឱកាសល្អទេ យើងក៏មិនធ្វើរឿងនេះដែរ។ ការងាររបស់យើងទាំងអស់គឺផ្តោតជាសំខាន់ទៅលើការទទួលបានការជឿជាក់ពីសមាជិកទាំង១០០នាក់របស់IOC»។
លោកហ្គាលឡាដុងដែលបានចូលកាន់តំណែងជាអភិបាលក្រុងម៉ាឌ្រីដនៅឆ្នាំ២០០៣បានទាញហេតុផលសំអាងដោយយោងទៅលើភាពជោគជ័យរបស់ទីក្រុងពីយ៉ុងឆាងរបស់កូរ៉េខាងត្បូង។ លោកបានបន្តថា៖ «ជោគជ័យរបស់ក្រុងអាស៊ីមួយនេះបានចង្អុលបង្ហាញថា IOC ពេញចិត្តផ្តល់ជារង្វាន់ដល់អ្នកដែលមានការព្យាយាមនិងតស៊ូព្រមទាំងមានបទពិសោធន៍។ អ្វីដែលទីក្រុងម៉ាឌ្រីដផ្តោតសំខាន់ គឺការចូលដេញថ្លៃលើកនេះដែលចាត់ថា ជាឱកាសមិនអាចខ្វះបាន»។
ទីក្រុងរបស់ប្រទេសអេស្ប៉ាញចុងក្រោយគេដែលបានធ្វើជាម្ចាស់ផ្ទះរៀបចំការប្រកួតកីឡាអូឡាំពិករដូវក្តៅនៅឆ្នាំ១៩៩២គឺក្រុងបាសេឡូណា។ សូមបញ្ជាក់ថា បញ្ជីឈ្មោះពេញលេញទីក្រុងដែលចូលដេញថ្លៃអូឡាំពិកឆ្នាំ២០២០នឹងត្រូវបានប្រកាសជាផ្លូវការនៅថ្ងៃទី១ កញ្ញាឆ្នាំនេះដោយIOC ៕
ចែករំលែកព័តមាននេះ