វិមានប្រធានាធិបតីបារាំងរាយការណ៍ថា ទាហានបារាំង៥នាក់បានស្លាប់កាលពីថ្ងៃទី១៣ កក្កដា និង៤នាក់ទៀតរបួសធ្ងន់ធ្ងរក្នុងការវាយប្រហារដោយគ្រាប់បែកមួយក្នុងខេត្តកាពីសា នាភាគខាងកើតអាហ្វហ្គានីស្ថាន ។ ការស្លាប់ទាហានបារាំង៥នាក់នោះទៀតធ្វើឱ្យចំនួនទាហានបារាំងស្លាប់នៅអាហ្វហ្គានីស្ថាន ឡើងដល់៦៩នាក់ ហើយចាប់តាំងពីដំណាច់ឆ្នាំ ២០០១ មក ។
យោងតាមសេចក្តីប្រកាសមួយរបស់វិមាន អេលីហ្សេថា ជនស៊ីវិលអាហ្វហ្គានីស្ថានម្នាក់ ក៏ត្រូវស្លាប់ដែរ ហើយ៣នាក់ទៀតត្រូវរបួសក្នុងការវាយប្រហារជាមួយគ្នានេះដែលកើតមាន បន្ទាប់ពីទស្សនកិច្ចមួយរបស់ប្រធានាធិបតីបារាំងលោកនីកូឡាស់ សាកូហ្ស៊ី នៅអាហ្វហ្គានីស្ថាន ។ ភេរវករម្នាក់បានធ្វើឱ្យគ្រាប់បែកដាក់ជាប់ខ្លួនគេផ្ទុះក្បែរកងទាហានបារាំងដែលការពារសភាតំបន់មួយនៅក្រុង JOYBAR ក្នុងរលងភ្នំតាហ្គាប ។ លោក THIERRY BUKHARD អ្នកនាំពាក្យរបស់សេនាធិការដ្ឋានកងទ័ពបារាំងនិយាយថា ពួកខ្មាន់កាំភ្លើងចូលរួមក្នុងការវាយប្រហារនេះដែរ ដោយពួកគេមួយចំនួនត្រូវបានកម្ទេច៕
ចែករំលែកព័តមាននេះ