នាយករដ្ឋមន្ត្រីប្រាប់ថៃថា «កុំបៀមឈា.ម ព្រួសដាក់គេ» ព្រោះវាគ្មានសីលធម៌និងសុច្ចរិតភាព
នាយករដ្ឋមន្ត្រីកម្ពុជា សម្តេចធិបតី ហ៊ុន ម៉ាណែត កាលពីថ្ងៃទី ២២ ខែ កក្កដា បានប្រាប់ថៃថា “កុំបៀបឈាម…
នាយករដ្ឋមន្ត្រីកម្ពុជា សម្តេចធិបតី ហ៊ុន ម៉ាណែត កាលពីថ្ងៃទី ២២ ខែ កក្កដា បានប្រាប់ថៃថា “កុំបៀបឈាម ព្រួសដាក់គេ” ខណ: ដែលប្រទេសកម្ពុជានិងប្រទេសថៃកំពុងតែមានទំនាស់ជាមួយគ្នាដោយផ្តើមចេញពីបញ្ហាព្រំដែនមិនច្បាស់លាស់។
សម្តេចធិបតី បានសរសេរ នៅតាមបណ្តាញសង្គម ហ្វេសប៊ុក ផេក ថា “វិធីសាស្ត្របៀមឈាមព្រួសដាក់អ្នកដទៃ មិនមែនជាវិធីសាស្ត្រដែលមានសីលធម៌និងសុច្ចរិតភាពនោះទេ។ វិធីសាស្ត្របែបនេះមិនត្រូវប្រើទេ បើយើងពិតជាចង់កសាងនូវទំនុកចិត្តរវាងគ្នានិងគ្នា”។
សម្តេចបានធ្វើការកត់សម្គល់ថា មួយរយៈនេះ ថ្នាក់ដឹកនាំនយោបាយ កងទ័ព និងបណ្ដាញសារព័ត៌មានថៃ បានធ្វើការចោទប្រកាន់ដោយគ្មានមូលដ្ឋានមកលើកម្ពុជាពាក់ព័ន្ធនឹងបញ្ហាមួយចំនួនដូចជាលូកដៃចូលនយោបាយផ្ទៃក្នុងថៃ ការដាក់មីន ព្រមទាំងបានធ្វើការគម្រាមដាក់ចេញនូវវិធានការជាឯកតោភាគីនៅក្នុងតំបន់ដែលមានវិវាទ រួមមានតំបន់មុំបី និងប្រាសាទតាមាន់ធំ ។ល។
ក្រសួងការបរទេសនិងសហប្រតិបត្តិការអន្តរជាតិ ក្រសួងការពារជាតិ ក្រសួង ស្ថាប័នជំនាញពាក់ព័ន្ធរបស់កម្ពុជា បានធ្វើការឆ្លើយតបយ៉ាងសកម្មទៅលើការចោទប្រកាន់ទាំងនោះ ដើម្បីការពារភាពត្រឹមត្រូវរបស់កម្ពុជាជាបន្តបន្ទាប់រួចហើយ ក៏ដូចជាការត្រៀមដាក់ចេញនូវវិធានការចាំបាច់បន្ថែមទៀតក្នុងគោលដៅការពារឧត្តមប្រយោជន៍ជាតិខ្មែរ ៕
ចែករំលែកព័តមាននេះ