រាជធានីភ្នំពេញ ៖ ក្នុងឱកាសអញ្ជើញ ចូលជំរាបលាលោកឧបនាយករដ្ឋមន្ដ្រីហោ ណាំហុង រដ្ឋមន្ដ្រីក្រសួងការបរទេសនាព្រឹក ថ្ងៃទី៣០ មីនា លោក Ngurah SWAJAYA ឯកអគ្គរដ្ឋទូតឥណ្ឌូណេស៊ីប្រចាំនៅកម្ពុជាចប់អាណត្ដិ បានថ្លែងអំណរគុណ និងសំដែងនូវការរីករាយចំពោះរាជរដ្ឋាភិបាលក៏ដូចជា ស្ថាប័នក្រសួងនានា មន្ដ្រីរាជការកម្ពុជា មានកិច្ចទំនាក់ទំនងសហប្រតិបត្ដិការល្អជាមួយស្ថានទូតរបស់លោកដែលនាំឱ្យបេសកកម្មការទូតរបស់លោកបំពេញនៅកម្ពុជាទទួលបានជោគជ័យ ។លោក SWAJAYA មានប្រសាសន៍ថា នៅក្នុងអាណត្ដិបេសកកម្មរបស់លោកនៅកម្ពុជា លោកបានមើលឃើញកម្ពុជាមានការរីកចំរើនលើគ្រប់វិស័យយ៉ាងឆាប់រហ័ស ។
លោកនឹងជួយជំរុញឱ្យភ្ញៀវទេសចរពីប្រទេសឥណ្ឌូណេស៊ីមកកាន់ប្រទេសកម្ពុជា ដោយការហោះហើរផ្ទាល់មកកម្ពុជា ។ ជំរុញអ្នកវិនិយោគឥណ្ឌូណេស៊ីមកវិនិយោគនៅកម្ពុជាឱ្យកាន់តែច្រើន ។ ជាពិសេសវិស័យពាណិជ្ជកម្មរវាងឥណ្ឌូណេស៊ី និងកម្ពុជាមានការកើនឡើង ទំនិញដែលនាំពីកម្ពុជាទៅឥណ្ឌូណេស៊ី១០០% ហើយទំនិញពីឥណ្ឌូណេស៊ីមក កម្ពុជាបានកើន២០% ។ ចំពោះកិច្ចសហប្រតិបត្ដិការល្អរវាងនគរបាលកម្ពុជា និងនគរបាលឥណ្ឌូណេស៊ី គឺបានប្រព្រឹត្ដទៅល្អប្រសើរក្នុងការប្រយុទ្ធប្រឆាំងឧក្រិដ្ឋកម្មឆ្លងដែន និងការជួញដូរគ្រឿងញៀន… ។
ចែករំលែកព័តមាននេះ