បាតុកម្មថ្មីៗប្រឆាំងនឹងប្រធានាធិបតីលោកអាឡិចសាន់ដ្រ៍ លូកាឆេនកូ ត្រូវបានធ្វើនៅបេឡារុស កាលពីថ្ងៃទី៣ កក្កដា នាឱកាសទិវាបុណ្យជាតិរបស់ប្រទេសដោយមនុស្សជាច្រើន សិបនាក់ត្រូវចាប់ខ្លួន ។ ពួកអ្នកតវ៉ាបានឆ្លើយតបចំពោះការអំពាវនាវនាពេលមុននេះរបស់បណ្តាបណ្តាញសង្គម ដែលឱ្យយកទិវាបុណ្យជាតិនេះ
បាតុកម្មថ្មីៗ ប្រឆាំងនឹងប្រធានាធិបតីលោកអាឡិចសាន់ដ្រ៍ លូកាឆេនកូ ត្រូវបានធ្វើនៅបេឡារុស កាលពីថ្ងៃទី៣ កក្កដា នាឱកាសទិវាបុណ្យជាតិរបស់ប្រទេសដោយមនុស្សជាច្រើន សិបនាក់ត្រូវចាប់ខ្លួន ។
ពួកអ្នកតវ៉ាបានឆ្លើយតបចំពោះការអំពាវនាវនាពេលមុននេះរបស់បណ្តាបណ្តាញសង្គម ដែលឱ្យយកទិវាបុណ្យជាតិនេះ ដើម្បីជួបជុំគ្នា ធ្វើបាតុកម្មប្រឆាំងនឹងរបបរបស់លោកលូកា ឆេនកូ ។ ការប្រមូលផ្តុំមនុស្សយ៉ាងច្រើនគឺក្នុងរដ្ឋធានីបេឡារុស ហើយបាតុកម្មក៏កើតមានក្នុងទីក្រុងយ៉ាងតិច៦របស់ប្រទេសដែរ ។
ពេលប្រធានាធិបតីថ្លែងសុន្ទរកថា ក្នុងទិវាបុណ្យជាតិ អាជ្ញាធរអាចរាំងខ្ទប់ពួកបាតុករបាន ក៏ប៉ុន្តែនាពេលល្ងាចមានការប្រមូលផ្តុំមនុស្សនៅឯស្ថានីយរថភ្លើងកណ្តាលរបស់ទៅទីក្រុងមីនស្ក៍។ ដំបូងនៅស្ថានីយរថភ្លើងនេះមានបាតុករតែប្រមាណជា២០នាក់ប៉ុណ្ណោះ ។ ក្រោយមកមនុស្សមកចូលរួមមានកាន់តែច្រើនភាគច្រើនជាពួកយុវជន ។ ប៉ូលិសបេឡារុសបានបាញ់ឧស្ម័នបង្ហូរទឹកភ្នែក ដើម្បីបំបែកបាតុកម្ម ហើយចាប់ខ្លួនពួកបាតុករជាច្រើនសិបនាក់ ៕
ចែករំលែកព័តមាននេះ