ឆ្នាំ១៩០៦
-អូឡាំពិករដូវក្ដៅឆ្នាំ១៩០៦ ដែលមានប្រទេសចំនួន២០ចូលរួមបានបើកនៅក្នុងទីក្រុងអាថែន ប្រទេសក្រិច តែមិនបានត្រូវ គេទទួលស្គាល់ជាកីឡាអូឡាំពិកផ្លូវការឡើយ។
-បងប្អូនត្រកូលរ៉ៃ ជនជាតិអាមេរិក បានទទួលលេខនៃការបង្កើតថ្មីសំរាប់ការរកឃើញម៉ាស៊ីនយន្ដហោះរបស់ពួក គេ គឺមាន លេខ៨២១៣៩៣។
សំរាប់ថ្ងៃសៅរ៍
ឆ្នាំ១៩០៦
-អូឡាំពិករដូវក្ដៅឆ្នាំ១៩០៦ ដែលមានប្រទេសចំនួន២០ចូលរួមបានបើកនៅក្នុងទីក្រុងអាថែន ប្រទេសក្រិច តែមិនបានត្រូវ គេទទួលស្គាល់ជាកីឡាអូឡាំពិកផ្លូវការឡើយ។
-បងប្អូនត្រកូលរ៉ៃ ជនជាតិអាមេរិក បានទទួលលេខនៃការបង្កើតថ្មីសំរាប់ការរកឃើញម៉ាស៊ីនយន្ដហោះរបស់ពួកគេ គឺមាន លេខ៨២១៣៩៣។
ឆ្នាំ១៩១៥
-មានគ្រោះថ្នាក់រថយន្ដបុកគ្នានៅជិតទីក្រុងហ្គ្រេតណាហ្គ្រីន ប្រទេសស្កុតឡែន បណ្ដាលឱ្យស្លាប់មនុស្ស២២៧នាក់ របួស ២៤៦នាក់ ។
ឆ្នាំ១៩៣៩
-ប្រទេសអាល្លឺម៉ង់ និងប្រទេសអ៊ីតាលី បានចុះហត្ថលេខាលើសន្ធិសញាស្ដៀល ដែលជាសន្ធិសញាមិត្ដភាពរវាងប្រទេសទាំង២។
ឆ្នាំ១៩៤២
-ប្រទេសម៉ិចស៊ីកូ បានចូលក្នុងសង្គ្រាមលោកលើកទី២ ដោយឈរនៅខាងកំលាំងសម្ព័ន្ធមិត្ដ ។
ឆ្នាំ១៩៤៧
-ក្នុងសង្គ្រាមត្រជាក់ដែលប្រឆាំងការរីករាលដាលនៃលទ្ធិកុំមុយនីស្ដ ប្រធានាធិបតីសហរដ្ឋអាមេរិក លោកហារីទ្រូម៉ាន់ បានចុះ ហត្ថលេខាលើច្បាប់មួយ ដែលក្រោយមកក្លាយជាលទ្ធិទ្រូម៉ាន់ ។ តាមច្បាប់នោះនឹងផ្ដល់ប្រាក់៤០០លានដុល្លារអាមេរិកជួយ ដល់ប្រទេសួទួរគីនិងក្រិចខាងផ្នែកយោធា និងសេដ្ឋកិច្ច ។
ឆ្នាំ១៩៦៤
-មានអគ្គីភ័យកើតឡើងលើមជ្ឈមណ្ឌលទំនិញ L’Innovation ក្នុងទីក្រុងប្រ៊ុចសែលប្រទេសបែលហ្ស៊ិក បណ្ដាលឱ្យស្លាប់មនុស្ស៣២៣នាក់ របួស១៥០នាក់ ។
ឆ្នាំ១៩៧២
-ប្រទេសសីឡុនបានអនុម័តរដ្ឋធម្មនុញថ្មី ហើយក្លាយជាសាធារណរដ្ឋ ព្រមទាំងបានប្ដូរឈ្មោះជាប្រទេសស្រីលង្កា ។
ឆ្នាំ១៩៩២
-ប្រទេសបូស្នី ហ៊ែរហ្សេហ្គោវីណា ប្រទេសក្រូអាត និងប្រទេសស្លូវេនី បានចូលជាសមាជិកនៃអង្គការសហប្រជាជាតិ។
ឆ្នាំ២០០៣
-នាងអាននីកា សូរេនស្ដេម ជាស្ដ្រីទី១ ដែលបានចូលលេងវាយកូនគោល PGA Tour នៅរដ្ឋតិចសាស់សហរដ្ឋអាមេរិកក្នុងរយៈពេល៥៨កន្លងឆ្នាំមកនេះ ។
ឆ្នាំ២០០៦
-ចាត់ទុកថា ជាលើកទី១ហើយក្នុងរយៈពេល១៧៥ឆ្នាំដែលខ្លាឃ្មុំពណ៌ត្នោតបានចូលដល់ប្រទេសអាល្លឺម៉ង់តាមច្រកប្រទេស បាវ៉ារីយ៉ា ហើយការចូលមកនេះវាបានសំលាប់សត្វពពែជាច្រើនក្បាល ។
ឆ្នាំ២០០៨
-ចំនួនមនុស្សស្លាប់ក្នុងគ្រោះរញ្ជួយដី នៅខេត្ដស៊ីឈួន ប្រទេសចិនឡើងដល់៥១.១៥១នាក់ បាត់ខ្លួន១៩.៣២៨នាក់ ។
ឆ្នាំ២០០៩
-លោកម៉ានម៉ូហាន់ស៊ីង បានប្រារឰពិធីឡើងកាន់តំណែងជានាយករដ្ឋមន្ដ្រីនៃប្រទេសឥណ្ឌាក្នុងអាណត្ដិទី២ ។
-អង្គការសហប្រជាជាតិបានស្នើជំនួយដល់មនុស្ស១.៥០០.០០០នាក់ដែលបាត់បង់ជំរកដោយសារសង្គ្រាមនៅភាគពាយ័ព្យប្រទេសប៉ាគីស្ថាន ។
សំរាប់ថ្ងៃអាទិត្យ
ឆ្នាំ១៥៦៨
-ប្រទេសហុល្លង់ បានប្រកាសឯករាជ្យភាពចេញពីប្រទេសអេស្ប៉ាញ ។
ឆ្នាំ១៨០៥
-ណាប៉ូឡេអុង បូណាប៉ាត បានឡើងធ្វើជាស្ដេចនៃប្រទេសអ៊ីតាលីនៅព្រះវិហារមួយនៃទីក្រុងមីឡាន ។
ឆ្នាំ១៨២៩
-លោកស៊ីរីល ដេមីអាន ជាអ្នករកឃើញ និងបង្កើតឧបករណ៍តន្ដ្រីអាគ័រដេអុង ក្នុងទីក្រុងវីយែន ប្រទេសអូទ្រីស។
ឆ្នាំ១៩១៥
-ប្រទេសអ៊ីតាលី បានចូលជាមួយសម្ព័ន្ធមិត្ដ បន្ទាប់មកបានប្រកាសសង្គ្រាមជាមួយប្រទេសអូទ្រីស-ហុងគ្រី ។
ឆ្នាំ១៩៣៤
-ឧក្រិដ្ឋជនប្លន់ធនាគារអាមេរិកប្ដីប្រពន្ធ បូនី ផាកគ័រ និងលោកឃ្លីដេ បារ៉ូ ត្រូវបានប៉ូលិសសំលាប់នៅក្នុងរដ្ឋល្វីស្យាណា។
ឆ្នាំ១៩៤៥
-លោកហេរិក ហ៊ីមល័រ មេទ័ពនៃអង្គភាពកងទ័ព SS ដ៏ធំរបស់ណាហ្ស៊ីអាល្លឺម៉ង់បានសំលាប់ខ្លួនពេលដែលត្រូវកងទ័ពសម្ព័ន្ធមិត្ដយកមកកាត់ទោស ។
ឆ្នាំ១៩៤៩
-សាធារណរដ្ឋសហព័ន្ធអាល្លឺម៉ង់បានត្រូវបង្កើតឡើង ហើយរដ្ឋធម្មនុញថ្មីក៏បានប្រកាសដែរ ។
ឆ្នាំ១៩៥១
-ទីបេ បានចុះហត្ថលេខាលើកិច្ចព្រមព្រៀង១៧ចំណុចសំរាប់សន្ដិភាពជាមួយសាធារណរដ្ឋប្រជាមានិតចិន ហើយក៏ជាការ បញ្ជាក់ឱ្យកាន់តែច្បាស់ពីអធិបតេយ្យភាពរបស់ចិនមកលើដែនដីទីបេ ។
ឆ្នាំ១៩៦៧
-ប្រទេសអេហ្ស៊ីប បានបិទផ្លូវសមុទ្រ ដែលមានទំហំ១៣ម៉ែត្រឈ្មោះ Straits of Tiran និងបានបិទកំពង់ផែអ៊ីឡេត នៅចុងភាគខាងជើងនៃឈូងសមុទ្រអាកាបាដែលជាផ្លូវនាវាទៅកាន់ប្រទេសអ៊ីស្រាអែល ។ ហេតុការណ៍នេះ បានបង្កើតឱ្យមានសង្គ្រាម៦ថ្ងៃកើតឡើង។
ឆ្នាំ២០០២
-ប្រទេសឥណ្ឌានិងប៉ាគីស្ថាន នៅតែមិនទាន់ដាច់ស្រេចលើការគ្រប់គ្រងតំបន់កាស្មៀរ ។ ប្រទេសទាំង២មានអាវុធនុយក្លេ អ៊ែរដូចគ្នា ហើយតែងតែមានជំលោះនឹងគ្នាជុំវិញដែនដីមួយនេះ និងបានបន្ដបែងចែកទឹកដីកាស្មៀរគ្រប់គ្រងរៀងៗខ្លួនដដែល ។
ឆ្នាំ២០០៩
-អតីតប្រធានាធិបតីកូរ៉េខាងត្បូងលោក រូមូយុន បានធ្វើអត្ដឃាត ៕
ចែករំលែកព័តមាននេះ