រដ្ឋការរបស់លោកបារ៉ាក់ អូបាម៉ា ប្រធានាធិបតីសហរដ្ឋអាមេរិកកំពុងពិចារណាមើលពីការបោះបង់ចោលការប៉ុនប៉ងបិទមន្ទីរឃុំឃាំងហ្គង់តាណាម៉ូ នៅក្នុងប្រទេសគុយបា ហើយនឹងចាប់ផ្តើមដំណើរការកាត់ទោសថ្មីនៅទីនោះ ក្រោយពីសភាអាមេរិកបានសំរេចរារាំងលោកមិនឱ្យនាំយកជនដែលរងការចោទប្រកាន់ថា ជាភេរវករមកកាត់ទោសនៅតុលាការអាមេរិក ។
រដ្ឋមន្ត្រីក្រសួងការពារប្រទេសសហរដ្ឋអាមេរិក លោករ៉ូប៊ែត ហ្គេត ត្រូវបានគេរំពឹងថា នឹងលុបចោលវិញនូវបទបញ្ជាដែលដាក់នៅថ្ងៃធ្វើ
សច្ចាប្រណិធានចូលកាន់តំណែងប្រធានាធិបតីរបស់លោកអូបាម៉ា កាលពី២ឆ្នាំមុន ហើយផ្តោតលើការចាប់ផ្តើមដំណើរការកាត់ទោសជនជាប់ចោទជាភេរវករទាំងនោះ ។ ការចោទប្រកាន់ថ្មីប្រឆាំងអ្នកទោសមួយចំនួនក្នុងចំណោមអ្នកទោស៣០នាក់ ដែលនឹងត្រូវនាំយកមកកាត់ទោសនឹងបង្ហាញក្នុងសប្តាហ៍ខាងមុខ ។
ការចាប់ផ្តើមការកាត់ទោសជនដែលត្រូវជាប់ចោទជាភេរវករដោយតុលាការយោធាធ្វើឱ្យបរាជ័យដល់ផែនការបិទមន្ទីរឃុំឃាំងហ្គង់តាណាម៉ូរបស់លោកអូបាម៉ា ដែលបានសន្យាបិទមន្ទីរឃុំឃាំងនោះបន្ទាប់ពីលោកចូលកាន់តំណែងប្រធានាធិបតីអាមេរិកនៅខែមករា ឆ្នាំ២០០៩ ក្រោយពីលោកពិព័រណ៍នាមន្ទីរឃុំឃាំងនេះថា ជាកន្លែងបង្កការខូចខាតដល់អាមេរិក ។ លោកប្រធានាធិបតីអូបាម៉ា បានស្នើសុំឱ្យកាត់ទោសអ្នកទោសមួយចំនួននៅតុលាការស៊ីវិល ៕
ចែករំលែកព័តមាននេះ