រាជធានីភ្នំពេញ ៖ ក្រោយពីសារព័ត៌មានបាងកកប៉ុស្តិ៍បានធ្វើសេចក្តីរាយការណ៍ កាលពីថ្ងៃទី២៨ មិថុនា ថា នាយករដ្ឋមន្ត្រីចាំផ្ទះ លោកអាប់ភីស៊ីត វ៉េចាជីវ៉ា និងគណៈរដ្ឋមន្ត្រីថៃ បានសម្រេចចិត្តទុកបញ្ហា «ថាតើប្រទេសថៃគួរសុំចូលជាសមាជិកហត្ថលេខីនៃអនុសញ្ញាបេតិកភណ្ឌពិភពលោកវិញដែរឬទេ» ឱ្យទៅរដ្ឋាភិបាលបន្ទាប់ជាអ្នកសម្រេច» និងថា «លោកអាប់ភីស៊ីត មិនមានការគុំកួនអ្វីនឹងលោកហ៊ុន សែន ទេ ដែលបានអះអាងអំពីជ័យជំនះនៅក្នុងគណៈកម្មាធិការបេតិកភណ្ឌពិភពលោក ប៉ុន្តែបែរជាថា លោកនាយករដ្ឋមន្ត្រីហ៊ុន សែន មានអារម្មណ៍បាក់មុខទៅវិញ ។
លោកនាយករដ្ឋមន្ត្រីចាំផ្ទះបានធ្វើឱ្យមានការងឿងឆ្ងល់ មិនត្រឹមតែចំពោះសហគមន៍អន្តរជាតិប៉ុណ្ណោះទេ តែថែមទាំងចំពោះប្រជាជនខ្លួនផងដែរ តាមរយៈការនិយាយបំភ្លៃការពិត ដូចសព្វដង និងកាឡៃខ្លួនឯងពីអ្នកចាញ់ឱ្យទៅជាអ្នកឈ្នះ និងតាមរយៈការភូតកុហកស្រស់ទៅលើឆាកអន្តរជាតិ។ ក្រុមអ្នកតាមដានបានលើកឡើងថា ការកាន់តំណែងក្នុងរយៈពេល២ឆ្នាំ ពិតជាបានធ្វើឱ្យលោកអាប់ភីស៊ីត ប្រែក្លាយពីសុភាពបុរសដ៏ល្អម្នាក់ទៅជាអ្នកនយោបាយកុហកបោកប្រាក់ម្នាក់ទៅវិញ»។ ចំពោះអ្វីដែលលោកអាប់ភីស៊ីត វ៉េចាជីវ៉ា អះអាងថា សម្តេចនាយករដ្ឋមន្ត្រីហ៊ុន សែន បាក់មុខនោះ គេឆ្ងល់ថា តើឱ្យសម្តេចតេជោហ៊ុន សែន បាក់មុខដូចម្តេចទៅ បើគាត់ជាអ្នកឈ្នះនោះ?»។
ជាងនេះទៅទៀត គឺរដ្ឋាភិបាលលោកអាប់ភីស៊ីត វ៉េចាជីវ៉ា បង្ហាញនូវកំសោយមិនមានសមត្ថភាពដោះស្រាយបញ្ហារវាងប្រទេសថៃ និងអនុញ្ញាតបេតិកភណ្ឌពិភពលោកនោះទេ ដោយបែរជារង់ចាំរដ្ឋាភិបាលថៃថ្មីជាអ្នកដោះស្រាយជាមួយអង្គការយូណេស្កូទៅវិញ ៕
ចែករំលែកព័តមាននេះ