បន្ទាយមានជ័យ ៖ បំណែកយន្តហោះធុនធំ១គ្រឿង ត្រូវរៀបចំជិតរួចរាល់ហើយអាចក្លាយជាសណ្ឋាគារ ឬភោជនីយដ្ឋានទំនើប នៅក្រុងប៉ោយប៉ែតសម្រាប់ភ្ញៀវអភិជនដែលនៅក្នុងបរិវេណក្រុមហ៊ុន Betworld ស្ថិតភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត…
បន្ទាយមានជ័យ ៖ បំណែកយន្តហោះធុនធំ១គ្រឿង ត្រូវរៀបចំជិតរួចរាល់ហើយអាចក្លាយជាសណ្ឋាគារ ឬភោជនីយដ្ឋានទំនើប នៅក្រុងប៉ោយប៉ែតសម្រាប់ភ្ញៀវអភិជនដែលនៅក្នុងបរិវេណក្រុមហ៊ុន Betworld ស្ថិតភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត ។
គួររំលឹកថា ៖ កាលពីអំឡុងពាក់កណ្តាល ឆ្នាំ២០២៤ កន្លងមកមានរថយន្តធុនធំបានដឹកបំណែកយន្តហោះធុនធំចូលតាមច្រកទ្វារអន្តរជាតិស្ទឹងបត់ក្រុងប៉ោយប៉ែត ចូលក្នុងក្រុមហ៊ុន Betworld ត្រូវរៀបចំរហូតដល់ដើមឆ្នាំ២០២៥នេះបំណែកយន្តហោះខ្នាតធំ ត្រូវបានរៀបចំជិតរួចរាល់ ហើយបានប្រមាណ៧០ទៅ៨០ភាគរយ នៅរៀបចំស្លាប និងផ្នែកខាងក្នុង អាចជាជាងបរទេស ។
យន្តហោះដែលត្រូវបានរៀបចំដំឡើងជិតរួចរាល់អាចក្លាយជាសណ្ឋាគារ ឬភោជនីយដ្ឋានទំនើប នៅក្រុងប៉ោយប៉ែតដែលសម្រាប់ភ្ញៀវអភិជនទើបមានវាសនាបានស្នាក់នៅចូល ព្រោះមើលស្ថានភាពការរៀបចំនៅក្នុងក្រុមហ៊ុនខាងលើដែលឃើញមានភ្ញៀវបរទេសចេញ.ចូលជាហូរហែ ។
គួរបញ្ជាក់ថា ៖ ក្រោយរៀបចំយន្តហោះខ្នាតធំខាងលើនេះពិតជាគួរអោយចាប់អារម្មណ៍ ព្រោះមិនដែលឃើញ ហើយក៏មិនដែលមាន ទើបឃើញការរៀបចំបំណែកយន្តហោះខ្នាតធំដែលជិតរួចរាល់នៅក្រុងប៉ោយប៉ែតពិតជាប្លែក និងចម្លែកភ្នែក ទោះជាយន្តហោះដែលហោះហើរមិនបាន តែបានឃើញអាចក្លាយជាសណ្ឋាគារ ឬភោជនីយដ្ឋានដ៏ទំនើបនៅក្រុងប៉ោយប៉ែតដែលអាចទាក់ទាញភ្ញៀវជាតិ និងអន្តរជាតិទៅលេង និងកម្សាន្ត ៕
ចែករំលែកព័តមាននេះ