រាជធានីភ្នំពេញ ៖ ថ្លែងក្នុងពិធីបិទសន្និបាតក្រសួងអប់រំយុវជន និងកីឡាសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ណែនាំពិនិត្យឱ្យបានហ្មត់ចត់ចំពោះការលក់«ភេសជ្ជៈផ្អែម»ក្នុងសាលារៀន ដោយសារបច្ចុប្បន្ន មានក្មេងៗជាច្រើនកើតជំងឺទឹកនោមផ្អែម…
រាជធានីភ្នំពេញ ៖ ថ្លែងក្នុងពិធីបិទសន្និបាតក្រសួងអប់រំយុវជន និងកីឡាសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ណែនាំពិនិត្យឱ្យបានហ្មត់ចត់ចំពោះការលក់«ភេសជ្ជៈផ្អែម»ក្នុងសាលារៀន ដោយសារបច្ចុប្បន្ន មានក្មេងៗជាច្រើនកើតជំងឺទឹកនោមផ្អែម ។
នាឱកាសអញ្ជើញជាអធិបតីបិទសន្និបាតបូកសរុបលទ្ធផលការងារអប់រំ យុវជន និងកីឡា ឆ្នាំសិក្សា ២០២៣-២០២៤ និងទិសដៅឆ្នាំ ២០២៤-២០២៥ នារសៀលថ្ងៃទី២៦ ខែកុម្ភៈ ឆ្នាំ២០២៥ សម្តេចបវរធិបតី ហ៊ុន ម៉ាណែត បានថ្លែងថា បញ្ហាកុមារផឹកភេសជ្ជៈផ្អែមជារឿងគួរឱ្យព្រួយបារម្ភ ព្រោះនឹងបណ្ដាលឱ្យមានជំងឺទឹកនោមផ្អែមទៅថ្ងៃអនាគតដែលជាបន្ទុកធ្ងន់ ។
សម្តេចបវរធិបតីបានមានប្រសាសន៍ថា «សូមឱ្យអប់រំ មិនត្រឹមតែក្នុងសាលាទេ ទាំងក្រៅសាលា ណែនាំតែម្ដងទៀត អាហ្នឹងមិនមែសម្រាប់ក្មេងៗទេ តែរឿងនេះ ជារឿងមួយដែលប្រកាសអាសន្ន រឿងនេះគឺជារឿងបញ្ហារយៈពេលវែងសម្រាប់យើង»។
សម្តេចបវរធិបតីបន្ដថា បញ្ហាជំងឺទឹកនោមផ្អែកវានឹងក្លាយជាបន្ទុក មិនមែនជាទ្រព្យទេ ដោយសម្តេចស្នើឱ្យ ឪពុក-ម្តាយពលរដ្ឋទាំងអស់ ជាពិសេស លោកគ្រូ អ្នកគ្រូ គិតគូរខ្ពស់លើបញ្ហានេះ ។ សម្ដេចបវរធិបតីនាយករដ្ឋមន្ដ្រីមានប្រសាសន៍ទៀតថា «បើសិនជាក្មេងជាង១០ឆ្នាំ ២០ឆ្នាំ ហើយចាប់ពីឥឡូវអាយុ៣០ ឬ ៤០ឆ្នាំ ក្លាយជាបន្ទុកហើយ ឈឺជំងឺទឹកនោមផ្អែម គឺជាបន្ទុកមិនមែនទ្រព្យទេ ចឹងត្រូវគិតគូរមើល សូមឱ្យ ឪពុក ម្ដាយ ប្រជាជន លោកគ្រូ អ្នកគ្រូ អ្នកលក់ ត្រូវគិតគូរអាហ្នឹង (រឿងភេសជ្ជៈផ្អែម)»។
ជាមួយគ្នានោះដែរ សម្តេចបវរធិបតីបានលើកឡើងថា ករណីបញ្ហាឈាមនេះ មានចំពោះកុមារតាំងពីកុមារភាពដោយសារចំណីអាហារ បៅទឹកដោះគោមានជាតិផ្អែមផងដែរ ។ ប៉ុន្តែចំណុចនេះមិនអាចកាត់ផ្តាច់បានទេ តែដោះស្រាយតាមហ្នឹងបន្ត ៕
ចែករំលែកព័តមាននេះ